ខេត្តតាកែវ ៖ សេចក្តីរាយការណ៍បឋមឱ្យដឹងថា ក្មេងស្រីម្នាក់ត្រូវរថយន្តរ៉ឺយែថយក៏កិនពីលើ បណ្តាលឱ្យស្លាប់ភ្លាមៗនៅនឹងកន្លែង ខណៈនាងរត់លេងនៅខាងក្រោយរថយន្ត កើតឡើងនៅភូមិថ្មី សង្កាត់រការក្រៅ ក្រុងដូនកែវ ខេត្តតាកែវ វេលាម៉ោង១១និង៣០នាទីយប់ ថ្ងៃទី០៥ មករា ឆ្នាំ២០១៩។
សេចក្តីរាយការណ៍បន្តថា រថយន្តបង្កម៉ាកសាំយ៉ុង ពណ៌ស្លែ អ្នកបើកបានរត់គេចខ្លួនបាត់ ក្រោយកើតហេតុ ។ រីឯក្មេងស្រីរងគ្រោះឈ្មោះ វន្ឍនៈ មួយគង មានទីលំនៅភូមិឃុំកើតហេតុខាងលើ មានឪពុក មានឈ្មោះ វឌ្ឍនៈ អាយុ៣០ឆ្នាំ ជាអ្នកទិញ-លក់មាន់ និងម្តាយឈ្មោះ មួយ គា អាយុ២៧ឆ្នាំ ។
ប្រភពបន្តថា ដំបូងរថយន្តបានបើកចូលដីឡូត៍ដើម្បីយកឥវ៉ាន់ ។ បន្ទាប់ពីលើកឥវ៉ាន់ដាក់លើរថយន្តរួច ក៏រ៉ឺយ៉ែថយក្រោយ ស្រាប់តែក្មេងរងគ្រោះបានរត់ចេញពីខាងក្នុងផ្ទះ ហើយដួលចូលកង់រថយន្តខាងក្រោយតែម្តង ។ សាកសពក្មេងស្រីត្រូវបានប្រគល់ជូនគ្រួសារ ដើម្បីធ្វើបុណ្យតាមប្រពៃណី។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]