ខេត្តព្រះសីហនុ ៖ វេលាម៉ោង៩និង១០នាទីព្រឹក ថ្ងៃទី០៥ ខែមករា ឆ្នាំ២០១៩ មានករណីធ្វេសប្រហែសបណ្តាលអោយស្លាប់មនុស្សចំនួន០១នាក់នៅចំណុចភូមិគគីរ ឃុំបឹតត្រាំង ស្រុកព្រៃនប់ ខេត្តព្រះសីហនុ ។
ជនរងគ្រោះឈ្មោះ ដុក សុខជា ភេទប្រុស អាយុ១៧ឆ្នាំ មុខរបរព្រូគ្រឿងចក្រ មានទីលំនៅ សង្កាត់ពោធិ៍សែនជ័យ រាជធានីភ្នំពេញ ។
មុនកើតហេតុជនរងគ្រោះបានឈរលើច្រវ៉ាក់គ្រឿងចក្ររុញដីរួចក៏រអិលជើងធ្លាក់មកក្រោម ស្របពេលដែលគ្រឿងចក្ររុញដីថយក្រោយក៏កិនបណ្តាលអោយស្លាប់ភ្លាមនៅនឹងកន្លែងតែម្តង ។ អ្នកបើកបរអេស្ការវ៉ាទ័រឈ្មោះ ជា វៃ ភេទប្រុស អាយុ៣២ឆ្នាំ មានទីលំនៅដូចគ្នា ត្រូវជាពូបង្កើតរបស់ជនរងគ្រោះ ។
បច្ចប្បន្នសពតម្កល់កន្លែងកើតហេតុរងចាំសាច់ញាតិយកទៅធ្វើបុណ្យតាមប្រពៃណី ចំណែកឯអ្នកបើកបរត្រូវបានខាង សមត្ថកិច្ចធ្វើការសាកសួរតាមនីតិវិធី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
