រាជធានីភ្នំពេញ ៖ យុវជនម្នាក់ចេញពីផឹកស៊ីស្រវឹងជោកជាំជិះម៉ូតូតាមផ្លូវលេខ៩៧ ទៅដល់ចំណុចក្រុម៣០ ភូមិ៤ សង្កាត់បឹងត្របែក ខណ្ឌចំការមន ស្រាប់តែអស់ថាមពលទៅមុខលែងរួចដួលម៉ូតូសន្លប់ស្ដូកស្ដឹងម្នាក់ឯង កាលពីវេលាម៉ោង១និង៣៨នាទីរំលងអធ្រាត្រឈានចូលថ្ងៃទី១៨ មីនា ។
ប្រភពព័ត៌មានពីសមត្ថកិច្ចបានឱ្យដឹងថា ជនរងគ្រោះដែលស្រវឹងរហូតជិះម៉ូតូអស់ខ្យល់ដួលខ្លួនឯងនេះមានឈ្មោះ លាង សីលា អាយុជាង២០ឆ្នាំ មានស្រុកកំណើតនៅក្រុមទី៥ ភូមិស្នែងថ្មី ឃុំពាក់ស្នែង ស្រុកអង្គរធំ ខេត្ដសៀមរាប ជិះម៉ូតូម៉ាកវ៉េវ ពណ៌ខ្មៅ ម្នាក់ឯងពីជើងទៅត្បូង តាមផ្លូវលេខ៩៧ ។
ប្រភពព័ត៌មានបានបន្ដទៀតថា ជនរងគ្រោះទើបចេញពីហាងផឹកស៊ីស្រវឹងជោកជាំយ៉ាងខ្លាំង ខណៈមកដល់ចំណុចកើតហេតុ ស្រាប់តែជិះម៉ូតូដួលម្នាក់ឯងសន្លប់ស្ដូកស្ដឹង ក៏ត្រូវរថយន្ដសង្គ្រោះគ្លីនិកឯកជនដឹកយកទៅសង្គ្រោះ ចំណែកម៉ូតូត្រូវសមត្ថកិច្ចយកទៅរក្សាទុកនៅអធិការដ្ឋាន ខណ្ឌចំការមន៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]