ហេតុតែជាពិធីការិនីកំពូលកូរ សូម្បីតែអ្នកចូលរួមខួបកំណើតរបស់ សុភ័ក្រ កុសុម៉ា យប់មិញនេះ ក៏កូរសាហាវដែរ! (មានវីដេអូ)

ភ្នំពេញ៖ មិនត្រឹមតែជាតារាចម្រៀង និងជាពិធីការិនីល្បីឈ្មោះប៉ុណ្ណោះទេ កញ្ញា សុភ័ក្រ កុសុម៉ា ក៏ត្រូវបានមហាជនជាច្រើនស្គាល់ថា ជាតារាស្រីមួយដួង ដ៏កំពូលក្រមិចក្រមើម សម្តីចាក់ទឹកមិនលិច ខណៈនាពេលបច្ចុប្បន្ននេះ នាងទទួលបាននូវប្រជាប្រិយភាពយ៉ាងខ្លាំង ពីសំណាក់ទស្សនិកជន និងអ្នកគាំទ្រ ទៅលើសមត្ថភាពសិល្បៈរបស់នាង។

យ៉ាងណាមិញ កាលពីយប់មិញនេះដែរ ត្រូវជាថ្ងៃខូបកំណើត របស់ពិធីការិនីវ័យក្មេង ថ្វីមាត់រអិល កញ្ញា សុភ័ក្រ កុសុម៉ា ដោយគេសង្កេតឃើញថា មានការចូលរួមពីបណ្ដាមិត្តៗក្នុងសង្គមសិល្បៈជាច្រើនផងដែរ។ នេះបើយោងតាមការបង្ហោះចែកចាយរូបភាពប៉ុន្មានសន្លឹក នៅលើគណនីហ្វេសប៊ុករបស់នាង។ 

ប៉ុន្តែនៅក្នុងនោះ អ្វីដែលគេចាប់អារម្មណ៍ខ្លាំងនោះ គឺអ្នកចូលរួមទាំងអស់ ជាពិសេសតារាៗប្រុសស្រី ដែលមានអាជីពជាពិធីករ-ពិធីការិនីដូចគ្នានោះ បាននាំគ្នានិយាយឌឺដងលេងសើចសប្បាយ ដែលរឹតតែធ្វើឲ្យកម្មវិធីក្នុងរាត្រីនោះ កូរពេញទី ពោរពេញដោយភាពរីករាយ និងស្នាមញញឹម ថែមមួយកម្រិតទៀតផងដែរ។

គួរឲ្យដឹងផងដែរថា នាពេលកន្លងមក គេធ្លាប់តែឃើញពិធីការិនីសម្បុរស្រអែម សុភ័ក្រ កុសុម៉ា ចូលចិត្តកូរអ្នកដទៃដើម្បីធ្វើឲ្យកម្មវិធីមានភាពសប្បាយរីករាយ ប៉ុន្តែស្រាប់តែពេលនេះ (ក្នុងថ្ងៃកំណើតនាង) នាងត្រូវមិត្តៗក្នុងសង្គមសិល្បៈកូរវិញម្ដង ដែលធ្វើឲ្យនាងរឹងខ្លួន និយាយមិនចង់ចេញផងដែរ ៕

តោះដើម្បីជ្រាបច្បាស់ទៅទស្សនាវីដេអូខាងក្រោមទាំងអស់គ្នា៖ 

• សុភ័ក្រ កុសុម៉ា
• វីដេអូ
• តារាខ្មែរ