រដ្ឋាភិបាលអាមេរិកបានព្រមានពលរដ្ឋខ្លួនថា បើទៅប្រទេសចិន អ្នកប្រហែលជាមិនអាចត្រឡប់មកទឹកដីកំណើតវិញបានឡើយ

អាមេរិក៖ យោងតាមសារព័ត៌មាន Business Insider ចេញផ្សាយថ្ងៃទី៤ ខែមករា ឆ្នាំ២០១៩បានឲ្យដឹងថា រដ្ឋាភិបាលអាមេរិកបានចេញសេចក្តីព្រមានជាផ្លូវការមួយទៅកាន់ពលរដ្ឋអាមេរិកទាំងអស់ដោយប្រើពាក្យមួយឃ្លាថា “ប្រសិនជាអ្នកទៅទស្សនកិច្ចនៅប្រទេសចិន អ្នកប្រហែលជាមិនអាចត្រឡប់មកកាន់ទឹកដីកំណើតវិញបានឡើយ”។

ក្រសួងការបរទេសអាមេរិក មានសេចក្តីព្រួយបារម្ភជាខ្លាំងចំពោះប្រជាពលរដ្ឋរបស់ខ្លួនដោយបានអះអាងថា រដ្ឋាភិបាលចិនអាចនឹងយកច្បាប់ក្នុងស្រុកមកអនុវត្តលើពលរដ្ឋអាមេរិកដើម្បីរឹតបន្តឹងនិងឃាត់ខ្លួនពួកគេមិនឲ្យចាកចេញពីប្រទេសចិនដោយមិនចាំបាច់សួរពីហេតុផល។

យោងតាមប្រភពព័ត៌មានខាងលើបានបន្ថែមថា អាជ្ញាធរចិនអាចប្រើច្បាប់មិនឲ្យចាកចេញពីប្រទេស ឫ “Exit Bans” ដើម្បីឃាត់ខ្លួនជនជាតិអាមេរិកណាក៏ដោយមិនឲ្យចាកចេញត្រឡប់មកកាន់ស្រុកកំណើតវិញបានឡើយ។ ការជាប់ឃុំខ្លួននៅស្រុកចិនអាចមានដល់រយៈពេលរាប់សិបឆ្នាំក៏មាន។

យោងតាមក្រុមប្រឹក្សាអាមេរិកបានឲ្យដឹងថា ហេតុផល៣យ៉ាងដែលចិនប្រើច្បាប់មិនឲ្យចាកចេញពីប្រទេស ឫ “Exit Bans” ទៅលើពលរដ្ឋអាមេរិកគឺ ចង់បង្ខំឲ្យពលរដ្ឋអាមេរិកសហការជាមួយរដ្ឋាភិបាលចិនជុំវិញការស៊ើបអង្កេតនានា,  អូសទាញពលរដ្ឋអាមេរិកដែលធ្វើដំណើរពីក្រៅប្រទេសឱ្យជាប់នៅក្នុងប្រទេសចិន, និងការសម្រួលដល់អាជ្ញាធរចិនដោះស្រាយវិវាទផ្សេងៗដើម្បីចំណេញដល់គណបក្សនយោបាយ។

យោងតាមការអះអាងរបស់ក្រសួងការបរទេសអាមេរិកបានឲ្យដឹងថា អាជ្ញាធរចិនច្រើនប្រើច្បាប់មិនឲ្យចេញពីប្រទេសយកទៅអនុវត្តលើពលរដ្ឋអាមេរិកណាមួយដែលមានគម្រោងចាកចេញពីប្រទេសចិនទៅស្រុកកំណើតវិញ៕

• ទីកន្លែង