បរទេស៖ កីឡាករបាល់ទាត់លំដាប់ពិភពលោក Cristiano Ronaldo ទើបតែឈ្នះពានរង្វាន់ផ្ទាល់ខ្លួនមួយបន្ថែមទៀតកាលពីពេលថ្មីៗនេះ។ ម្ចាស់អាវលេខ ៧ របស់ក្លិប Juventus រូបនេះបានទម្លាក់ម្ចាស់អាវលេខ ៧ របស់ Atletico Madrid គឺកីឡាករ Antoine Griezmann និងកីឡាករឆ្នើមរបស់ជម្រើសជាតិបារាំង Kylian Mbappe ក្នុងការលើកពានកីឡាករល្អបំផុត “Best Player” ក្នុងកម្មវិធី Globe Soccer Awards ។
Ronaldo បានសរសេរសារក្នុងគណនី Instagram របស់ខ្លួនថា “នេះជារឿងល្អមួយក្នុងការចាប់ផ្ដើមឆ្នាំថ្មី, អរគុណចំពោះអ្វីគ្រប់យ៉ាងក្នុងថ្ងៃនេះ” ។ ក្រៅពីពានរង្វាន់នេះ ម្ចាស់ពាន Ballon dÓr ៥សម័យកាលក៏ទទួលបានពានរង្វាន់ “ប្រជាប្រិយភាព” ផងដែរ ។
គួរបញ្ជាក់ថា នេះជាការទទួលពានរង្វាន់ Best Player សម្រាប់ C.Ronaldo ៣ឆ្នាំជាប់ៗគ្នា និងជាពានរង្វាន់ទី៥ សម្រាប់រូបគេចាប់តាំងពីឆ្នាំ ២០១១ មក។ គួរឱ្យដឹងបន្ថែមទៀតថា Cristiano Ronaldo បានចាកចេញពី Real Madrid មកចូលរួមជាមួយ Juventus តាំងពីដើមរដូវកាល ហើយបច្ចុប្បន្នគេជា Top Scorer ដោយរកគ្រាប់បាល់ឱ្យ Juventus បានចំនួន ១៤គ្រាប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]