(ភ្នំពេញ)៖ យោងតាមរបាយការណ៍របស់គ្រឹះស្ថានអង្គរ ដែលអង្គភាពព័ត៌មាន Fresh News ទទួលបាននាថ្ងៃទី០៤ ខែមករា ឆ្នាំ២០១៩នេះ បានឱ្យដឹងថា ក្នុងរយៈពេលពេញមួយឆ្នាំ២០១៨ មានភ្ញៀវទេសចរអន្តរជាតិចំនួន ២,៥៩០,៨១៥នាក់ (កើនឡើង ៥.៤៥%) បានទិញសំបុត្រចូលទស្សនារមណីយដ្ឋានអង្គរ។

របាយការណ៍ដដែលបានបន្តថា ភ្ញៀវទេសចរដែលបានទិញសំបុត្រចូលទស្សនារមណីយដ្ឋានអង្គរទាំងនោះ គឺមកពីប្រទេសចំនួន ១៩៤ប្រទេស ក្នុងចំណោមនោះភ្ញៀវទេសចរជនជាតិចិនមានច្រើនជាងគេ ដែលមានចំនួន ១,១២៣,៥៩៧នាក់ កើនឡើង ២៣.៤៣%។

គ្រឹះស្ថានអង្គរ ក៏បានចេញសេចក្ដីប្រកាសព័ត៌មានឱ្យដឹងដែរថា ចំណូលដែលបានពីការលក់សំបុត្រចូលទស្សនារមណីយដ្ឋានអង្គរ ក្នុងរយៈពេលមួយឆ្នាំ២០១៨ មានចំនួន ១១៦,៦៤៦,៦៨៥ដុល្លារអាមេរិក កើនឡើង ៨.០៣% និងបានឧបត្ថម្ភដល់មន្ទីរពេទ្យគន្ធបុប្ផាចំនួន ៥,១៨១,៦៣០ដុល្លារអាមេរិក៕

ខាងក្រោមនេះជាស្ថិតិភ្ញៀវទេសចរអន្តរជាតិទិញសំបុត្រចូលទស្សនារមណីយដ្ឋានអង្គរ ប្រចាំឆ្នាំ២០១៨៖

ប្រភព : freshnews

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]