ខេត្តកំពង់ស្ពឺ ៖ ក្មេងស្រីវ័យជំទង់ម្នាក់បានរងនូវការចាប់គេរំលោភសេពសន្ថវៈពីសំណាក់ជនល្មោភកាម ដែលជាជាងទៅធ្វើផ្ទះអោយម្តាយនាង ដោយមួយយប់ដល់ទៅ០២ដង ។ អ្វីដែលជារឿងនឹកស្មានមិនដល់ គឺទាំងម្តាយ និងកូនដេកនៅលើផ្ទះតែមួយ គ្រាន់តែក្នុង និងក្រៅប៉ុណ្ណោះ ។
ទោះជាយ៉ាងណា ក្រោយកើតហេតុជនសង្ស័យត្រូវបានសមត្ថកិច្ចឃាត់ខ្លួន បន្ទាប់ពីម្តាយក្មេងស្រីរងគ្រោះដឹងរឿង។ ករណីរំលោភនេះកើតហេតុកាលពីវេលាម៉ោង២២និង៣០នាទីថ្ងៃទី២ ខែមករា ឆ្នាំ២០១៩ នៅស្រុកឱរ៉ាល់ ខេត្តកំពង់ស្ពឺ ។
ជនសង្ស័យឈ្មោះ ស៊ូ ហ៊ី អាយុ៣៥ឆ្នាំ មានទៅលំនៅស្រុកឧដុង្គ ខេត្តកំពង់ស្ពឺ ។ បច្ចុប្បន្នស្នាក់នៅភូមិឃុំកើតហេតុខាងលើ (នៅធ្វើជាងផ្ទះម្ដាយក្មេងស្រីរងគ្រោះ) ។ ក្មេងស្រីរងគ្រោះ អាយុ១៧ឆ្នាំ ។
មន្ត្រីនគរបាលស្រុកឱរ៉ាល់បានអោយដឹងថា ជនសង្ស័យ គឺជាជាងមកធ្វើផ្ទះអោយម្តាយក្មេងស្រីរងគ្រោះ មុនពេលកើតហេតុក្មេងស្រីរងគ្រោះដេកតាកខាងមុខ តែម្នាក់ឯង ដោយម្តាយនាងដេកនៅខាងក្នុងផ្ទះ ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ដោយឃើញឱកាសល្អខ្លួនក៏លបទៅចាប់រំលោភសេពសន្ថវៈលើក្មេងស្រីរងគ្រោះរហូតបានសម្រេក្នុង១យប់ គឺសម្រេចចំនួន០២ដង ។ ខណៈពេលដែលនារីរងគ្រោះកំពុងដេក ហើយម្ដាយជនរងគ្រោះសម្រាន្តនៅក្នុងផ្ទះពេលព្រឹកឡើងខ្លួនធ្វើហាក់ដូចជា មិនមានរឿងអ្វីកើតឡើងរហូតដល់ពេលហូបបាយថ្ងៃត្រង់ក៏ត្រូវសមត្ថកិច្ចឃាត់ខ្លួនតែម្តង ។
ស្ត្រីជាម្តាយក្មេងស្រីរងគ្រោះបានរៀបរាប់ថា ជនសង្ស័យមកធ្វើផ្ទះអោយគាត់នៅយប់ថ្ងៃកើតហេតុគាត់សម្រាន្តនៅក្នុងផ្ទះដោយមិនដឹងថា កូនដែលដេកនៅរានខាងមុខត្រូវជាងចាប់រំលោភនោះទេ រហូតដល់ព្រឹកឡើងទើបដឹងការពិត ក៏ប្តឹងសមត្ថកិច្ចអោយឃាត់ខ្លួនជនសង្ស័យតែម្តង ។
លោកវរសេនីយ៍ឯកប៊ុត ប៊ុនធឿប អធិការនគរបាលស្រុកឱរ៉ាក់បានអោយដឹងនៅរសៀលថ្ងៃទី៣ មករា ២០១៩ថា កាលពីយប់ថ្ងៃទី២ មករា មានករណីរំលោភសេពសន្ធវៈបានសម្រេចមួយបានកើតឡើងដែលបង្កដោយជនសង្ស័យខាងលើ ។ បច្ចុប្បន្នជនសង្ស័យខាងលើត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរស្រុកឱរ៉ាល់ ដើម្បីបន្តនីតិវិធី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
