ចិនសម្រេចបង្កើតសាលារកគូស្រករ ដើម្បីបង្រៀនមនុស្សប្រុសអំពីតិចនិករកសង្សារ ព្រោះកម្លោះៗនៅស្រុកចិនរាប់លាននាក់នៅលីវមិនអាចរកប្រពន្ធបាន (មានវីដេអូ)

ចិន៖  ការស្វែងរកគូស្រករជារឿងដ៏ពិបាកបំផុតសម្រាប់កម្លោះៗនៅប្រទេសចិន។ វាដូចជាការប្រកួតប្រជែងដ៏ស្វិតស្វាញមួយអីចឹងសម្រាប់មនុស្សប្រុសទាំងអស់។

ប្រទេសចិនសព្វថ្ងៃមានកំណើនប្រជាជនប្រុសច្រើនជាងមនុស្សស្រីដល់ទៅ៣៣លាននាក់ឯណោះ។ នេះយោងតាមការសិក្សាស្រាវជ្រាវរបស់ World Economic Forum ។ 

ដោយសារមូលហេតុខាងលើនេះហើយ ទើបរដ្ឋាភិបាលចិនសម្រេចចិត្តបើកសាលារកគូស្រករសម្រាប់មនុស្សប្រុស ដើម្បីបង្រៀនពួកគេអំពីតិចនិកទាក់ចិត្តមិត្តនារីៗមកធ្វើជាសង្សារ។

ក្នុងថ្ងៃបើកវគ្គដំបូងគេឃើញមានមនុស្សប្រុសនៅលីវជាច្រើនចុះឈ្មោះចូលរៀនវគ្គខ្លីៗតាមប្រព័ន្ធអនឡាញ ក៏ដូចជាអនុវត្តផ្ទាល់ជាមួយនឹងគ្រូជំនាញៗប្រចាំសាលាផងដែរ។

ក្នុងការចូលរៀននេះទៀតសោត អ្នកជំនាញនៅសាលានឹងបង្រៀនកម្លោះៗចិនទាំងអស់នោះ ឲ្យចេះវិធីសាស្ត្រទាក់ទងមិត្តនារីៗ ធ្វើឲ្យគេចាប់អារម្មណ៍ និងរក្សាទំនាក់ទំនងគូសេ្នហ៍ឲ្យបានយូរអង្វែង។

ចំណែកឯតារាងតម្លៃវិញគឺ៣០ដុល្លារសម្រាប់វគ្គអនឡាញ។ រីឯការអនុវត្តផ្ទាល់ ជាមួយអ្នកជំនាញនៅសាលាដោយផ្ទាល់វិញមានតម្លៃរហូតដល់ ៤៥០០ដុល្លារ។

ករណីដែលកម្លោះទាំងអស់នោះបរាជ័យ ឫនៅតែមិនអាចរកសង្សារបាន  ខាងសាលានឹងចេញសងលុយវិញ ឫបង្ហាត់ពួកគេម្តងទៀត។

មូលហេតុដែលរដ្ឋាភិបាលចិនសម្រេចបង្កើតសាលារកគូស្រករនេះឡើងព្រោះពួកគេចង់កាត់បន្ថយកំណើនមនុស្សប្រុសដែលនៅលីវ  ចង់ឲ្យពួកគេមានគូស្នេហ៍នឹងគេ  បញ្ជៀសបទល្មើសផ្លូវភេទនិងអស្ថេរភាពសង្គម៕

មានវីដេអូនៅខាងក្រោម៖ 

• យុវវ័យ
• ស្នេហា
• ជំរុញទឹកចិត្ត
• វីដេអូ