ភ្នំពេញ៖ ទីផ្សារសិល្បៈរបស់ម្ចាស់ពានរង្វាន់The Voice Kids រដូវកាលទី១ និង២ ពេជ្រ ថៃ និង ទេព ពិសិដ្ឋ ហាក់ដូចជាមានសន្ទុះខ្លាំងឡើងជាលំដាប់គួរឲ្យកត់សម្គាល់ ដែលបានលេចមុខនៅក្នុងការប្រគុំតន្រ្តីឆ្លងឆ្នាំនានា ជាច្រើនរយៈពេលប៉ុន្មានថ្ងៃកន្លងមកនេះ។
តួយ៉ាង ចាប់តាំងពីពួកគេទាំង២បានក្លាយជាម្ចាស់ពានរង្វាន់ ដូចជាមិនធ្លាប់ និងកម្របានឃើញពួកគេបានឡើងច្រៀងបញ្ចេញសមត្ថភាពសម្លេងរួមគ្នា នៅលើឆាកតន្រ្តីធំៗតែម្តង។ តែជាក់ស្តែងកាលពីពេលថ្មីៗនេះ ក៏ស្រាប់តែលេចមុខតារាវ័យក្មេងទាំង២ដួង បានឡើងឆាកច្រៀងរួមគ្នាជាលើកដំបូង នៅក្នុងបទចម្រៀងជាច្រើនបទ ដើម្បីបម្រើអារម្មណ៍ដល់អ្នកទស្សនា។
នៅក្នុងនោះដែរ ការបញ្ចេញសម្លេងរបស់អ្នកទាំង២ក៏ស៊ីជម្រៅ មានភាពស៊ីចង្វាក់គ្នា ធ្វើឲ្យអ្នកគាំទ្រដែលទស្សនានៅទីនោះផ្ទាល់ពេញចិត្តយ៉ាងខ្លាំង ជាពិសេសនូវកាយវិការដែលធ្វើឲ្យអ្នកទស្សនា កាន់តែចង់មើលខ្លាំងឡើង។
ទន្ទឹមនឹងការឡើងច្រៀងរួមគ្នាលើកទី១នេះ បានធ្វើឲ្យអ្នកគាំទ្រជាច្រើនរំភើប និងសប្បាយចិត្តយ៉ាងខ្លាំង ព្រោះបានដឹងពីសមត្ថភាពដ៏ល្អរបស់អ្នកទាំង២ ដែលពិតជាសាកសមនឹងម្ចាស់ពានរង្វាន់តែម្តង៕
សូមទស្សនាវីដេអូខាងក្រោមនេះ ដើម្បីជ្រាបច្បាស់៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]