ប្តីដើរដាច់យប់ច្រើនពេក ប្រពន្ធទ្រាំមិនបានរាយការណ៍ទៅប៉ូលិស ចុះបង្រ្កាបកន្លែងរកស៊ីផ្លូវភេទ ៣កន្លែង

ម៉ាឡេស៊ី៖ នាយកដ្ឋានអន្តោប្រវេសន៍បានទទួលរបាយការណ៍ជាង ១,២០០ ករណីពីសាធារណៈជនពាក់ព័ន្ធទៅនឹងសកម្មភាពអសីលធម៌នានា ដែលសមាជិកគ្រួសាររបស់ពួកគេបានប្រព្រឹត្ត។

ប្រធានអន្តោប្រវេសន៍លោក Hamidi Adam បានថ្លែងថា របាយការណ៍ទាំងនេះពាក់ព័ន្ធនឹងការលេងល្បែងស៊ីសង, ការបម្រើសេវាផ្លូវភេទ និងរឿងអសីលធម៌ផ្សេងទៀតនៅក្នុងទីក្រុងគូឡាឡាំពួ។

«កាលពីឆ្នាំ ២០១៨ កន្លងទៅនេះ យើងទទួលបានរបាយការណ៍ជាមធ្យមជាង ១,០០០ ករណីក្នុងមួយខែ។ របាយការណ៍ភាគច្រើនត្រូវបានទទួលតាមរយៈអ៊ីម៉ែលនិងសំបុត្រនានា ដែលជំរុញឱ្យមានការចុះបង្រ្កាបកន្លែងរកស៊ីផ្លូវភេទនានាក្នុងទីក្រុងគូឡាឡាំពួ។»

អ្នកដែលបានដាក់របាយការណ៍នេះយល់ថា ដោយសារតែមានសេវាបម្រើផ្លូវភេទនានា ទើបធ្វើឱ្យគ្រួសាររបស់ពួកគេត្រូវបែកបាក់គ្នា។

ដូច្នេះកាលពីថ្ងៃទី ០១ ខែមករា ឆ្នាំ២០១៩ កន្លងទៅនេះ កម្លាំងមានសមត្ថកិច្ចបានចុះបង្ក្រាបកន្លែងបម្រើសេវាផ្លូវភេទចំនួន ៣ កន្លែង រួមមានតំបន់ Jalan Kuchai, តំបន់ Jalan Pudu, និងតំបន់ Jalan Raja Laut។ ក្នុងនោះសមត្ថកិច្ចចាប់ខ្លួន បានស្រីជនជាតិម៉ាឡេស៊ី ៧ នាក់ និងស្រីផ្សេងៗទៀតបាន ៦៥ នាក់ រួមមាន ស្រីជនជាតិវៀតណាម, មីយ៉ាន់ម៉ា និងថៃ ហើយពួកគេសុទ្ធតែមានអាយុពី ២០ ទៅ ៤០ ឆ្នាំ៕ 

តើប្រិយមិត្តយល់យ៉ាងណាដែរ?

សូមទស្សនារូបភាពខាងក្រោម៖