រាជធានីភ្នំពេញ ៖ នារីម្នាក់មានបញ្ហាគ្រួសារឈ្លោះប្រកែកគ្នាជាមួយប្តីមិនព្រមចរចាដោយសន្តិវិធី បែរជាគិតខ្លីជ្រើសរើសយកការលោតទឹកសម្លាប់ខ្លួនជាដំណោះស្រាយបញ្ចប់បញ្ហាទៅវិញ សំណាងល្អត្រូវបានអ្នករត់កង់បីឥណ្ឌាបើកលឿនហក់លោតទៅជួយ និងប្រជាពលរដ្ឋឆ្លងកាត់ទីនោះឃើញហេតុការណ៍ទាន់ក៏ជួយទាញបង្កជាការភ្ញាក់ផ្អើលដល់មកចោមរោមមើលដោយការងឿងឆ្ងល់គ្រប់គ្នា ដែលកើតឡើងកាលពីម៉ោង11នឹង15នាទីយប់ ថ្ងៃទី1 ខែមករា ឆ្នាំ2019 នៅលើស្ពានអាកាសព្រះមុនីវង្សថ្មី ស្ថិតក្នុងទឹកដីសង្កាត់ចាក់អង្រែលើ ខណ្ឌមានជ័យ។
ប្រភពពីបុរសម្នាក់ជាអ្នករត់កង់បីឥណ្ឌាដែលឃើញហេតុការណ៍ផ្ទាល់ និងជួយសង្គ្រោះស្ត្រីប៉ុនប៉ងលោតទឹកសម្លាប់ខ្លួនបានប្រាប់ថា ស្ត្រីរងគ្រោះមិនត្រូវបានស្គាល់អត្តសញ្ញាណទេ ហើយមុនមានការភ្ញាក់ផ្អើល គឺគាត់ឃើញស្ត្រីខាងលើដើរតែម្នាក់ឯងសំដៅឡើងទៅស្ពានអាកាសព្រះមុនីវង្សថ្មីដល់ពាក់កណ្ដាលស្ពាន ស្រាប់តែឃើញនាងឡើងលើបង្កាន់ដៃស្ពានបម្រុងលោតចូលទៅក្នុងទឹកតែម្តង ។
ប្រភពដដែលបន្តថា ឃើញដូច្នោះគាត់បន្ថែមល្បឿនម៉ូតូយ៉ាងលឿន ហើយឈប់ស្ទុះលោតទៅចាប់ទាញជើងជាប់ និងមានប្រជាពលរដ្ឋផ្សេងទៀតធ្វើដំណើរឆ្លងកាត់ទីនោះ ក៏ចុះមកជួយលើកស្ត្រីរូបនោះចេញពីបង្កាន់ដៃស្ពាន និងសួរនាំរកមូលហេតុពីការប៉ុនប៉ងធ្វើអត្តឃាតនេះ តែនាងមិនព្រមនិយាយស្តីអ្វីទាំងអស់។
បន្ទាប់ពីឃាត់នាងបាន ពួកគាត់យកទូរស័ព្ទដៃជាប់នឹងខ្លួនរបស់គាត់ទូរស័ព្ទទៅរកក្រុមគ្រួសារ ក៏បានជួបប្តីរបស់នាង សួរនាំប្តីពីមូលហេតុគាត់មិនបាននិយាយអ្វីច្រើនពីបញ្ហាគ្រួសារគាត់ឲ្យដឹងច្រើននោះទេ គ្រាន់តែប្រាប់ថា បានឈ្លោះគ្នាជាមួយគាត់ ហើយដើរចេញបាត់ពីផ្ទះនៅផ្លូវ2004 សង្កាត់កាកាប ខណ្ឌពោធិ៍សែនជ័យ តាំងពីល្ងាច ស្រាប់តែមានការភ្ញាក់ផ្អើលក៏លេចមុខនាងនៅលើស្ពានប៉ុនប៉ងលោតទឹកសម្លាប់ខ្លួនទៅវិញ ។
ក្រោយកើតហេតុការណ៍បុរសជាស្វាមីបានជិះម៉ូតូមួយគ្រឿងមកយកប្រពន្ធខ្លួន ពេលមកដល់នាងមិនព្រមឡើងទៅជាមួយទេ បូករួមនឹងខ្មាសគេផង បុរសជាប្តីនោះក៏បើកម៉ូតូទៅចោលនាងបាត់ទៅ ដូចជាមិនខ្វាយខ្វល់ និងបារម្ភពីសុវត្ថិភាពប្រពន្ធអីបន្តិចសោះ ដោយសារតែពីបុរសជាប្តីមិនខ្វាយខ្វល់ពីប្រពន្ធ ក៏មានប្រជាពលរដ្ឋនៅកន្លែងកើតហេតុបាននាំគ្នាបញ្ចេញមតិយោបល់និយាយណែនាំនូវពាក្យសំដីល្អឱ្យនាងគិតសារជាថ្មី កុំជ្រើសរើសយកការធ្វើអត្តឃាតជាដំណោះស្រាយបញ្ហាគ្រួសារអី ភ្លាមនោះស្ត្រីខាងលើក៏មិនឆ្លើយតបអ្វីទេ ដោយគាត់ចង់ទៅផ្ទះក៏ត្រូវអ្នករត់កង់បីឥណ្ឌាម្នាក់ជួយដឹកទៅផ្ទះដោយមិនគិតសេវាធ្វើយ៉ាងណាឱ្យតែស្ត្រីរូបនោះចេញឱ្យឆ្ងាយពីកន្លែងកើតហេតុតែប៉ុណ្ណោះ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
