កាណាដា៖ ឆ្កែពូជហ្ស៊ីបា (Shiba Inu) របស់ជប៉ុនមួយក្បាលមានអាយុ៥ឆ្នាំ រស់នៅក្នុងទីក្រុង Alberta មានសមត្ថភាពចម្លែកខុសពីឆ្កែដទៃ ដោយអាចគូរគំនូរបែបសិល្បៈអរូបី ឬសិល្បៈពិបាកយល់ (Abstract)។
យោងតាមប្រសាសន៍លោក Kenny Au និងអ្នកស្រី Denise Lo ដែលជាប្តីប្រពន្ធថ្មីថ្មោងមួយគូនិងជាម្ចាស់ឆ្កែ បានឲ្យដឹងថា "ពួកយើងបានដាក់ឈ្មោះឲ្យឆ្កែហ្ស៊ីបាមួយក្បាលនេះថា Hunter។ វាមានភាពឈ្លាសវៃនិងចូលចិត្តការរៀន" ។
គួររម្លឹកថាកាលពីឆ្នាំមុន អ្នកស្រី Lo បានបង្រៀនឆ្កែមួយក្បាលឲ្យចាប់ផ្តើមគូរគំនូរ។ នៅពេលចាប់ផ្តើមរៀនអំពីរបៀបគូរគំនូរ ឆ្កែ Hunter តែងតែចង់គូររូបទាំងអស់នោះម្តងហើយម្តងទៀត។
យោងតាមប្រសាសន៍ប្តីប្រពន្ធដែលជាម្ចាស់ឆ្កែខាងលើបានឲ្យដឹងថា "ជាមួយនឹងការគូរគំនូរ ពួកយើងតែងឲ្យគូរជារៀងរាល់ថ្ងៃ។ វាស្រលាញ់និងហាក់ដូចជាពេញចិត្តការងារមួយនេះខ្លាំងណាស់"។
ដំបូងឡើយពួកយើងបានបង្រៀនវាឲ្យចេះប្រើមាត់ខាំជក់។ បន្ទាប់មកពួកយើងយកជក់នោះទៅជ្រលក់ទឹកថ្នាំ ហើយឲ្យវាគូរវាសលើក្រដាសមួយសន្លឹក។ ជាលទ្ធផល គំនូរដែលវាបានគូរពិតជាភាពស្រស់ល្អវិចិត្រមែន។
សព្វថ្ងៃនេះលោក Au និងអ្នកស្រី Lo យកគំនូរទាំងអស់ដែលឆ្កែហ្ស៊ីបាមួយក្បាលនេះគូរទៅបង្ហោះចូលបណ្តាញសង្គម Reddit និង Instagram ។ អ្វីដែលគួរឲ្យចាប់អារម្មណ៍នោះគឺ មនុស្សជាង ៥ ០០០ពាន់នាក់ បានធ្វើការ follow ដើម្បីតាមដានសកម្មភាព និងគយគន់រូបគំនូររបស់ឆ្កែឈ្មោះ Hunter នេះ។
លើសពីនេះទៀត ម្ចាស់របស់ Hunter បានយករូបគំនូរទាំងអស់របស់វាទៅលក់នៅលើអ៊ីនធឺណិតផងដែរ ដែលក្នុងមួយរូបអាចលក់បានក្នុងតម្លៃចន្លោះពី ៣៨ ទៅ ៤៦ដុល្លារ ឯណោះ៕
មានវីដេអូនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]