ឆ្លងឆ្នាំមិនដឹងទៅណា សាកមកទីក្រុងទឹកកកគំរប់ខួបទី២០ ពិតជាប្លែកភ្នែកជាក់ជាមិនខាន (មានវីដេអូ)

ចិន៖ ទីក្រុងទឹកកក ឬសួនកម្សាន្តទឹកកក Harbin Ice and Snow World នៅទីក្រុងហាប៊ីន ខេត្តហីឡុងជាំង នឹងបើកដំណើរការនៅថ្ងៃអាទិត្យខាងមុខនេះហើយ ដែលមានក្រឡាផ្ទៃ ៦០ហិកតា ប្រើរយៈពេល ១៥ ថ្ងៃដើម្បីសាងសង់ និងប្រើដុំទឹកកកអស់រាប់សិបម៉ឺនដុំ។

ដើម្បីប្រារព្ធខួបលើកទី២០  ទើបឆ្នាំនេះអ្នកគ្រប់គ្រងសួនបានសម្រេចចិត្តដាក់បង្ហាញអគារទឹកកក និងទេសភាពដូចកាលពី២០ឆ្នាំមុនជូនភ្ញៀវជាតិ និងអន្តរជាតិទស្សនា។ យ៉ាងណាមិញបុគ្គលិកសួនកម្សាន្តបាននិយាយថា ដោយសារអាកាសធាតុក្តៅនារដូវរងារនេះទើបធ្វើឱ្យពួកគេមានបញ្ហាខ្លះៗពេលសាងសង់។

ភ្ញៀវទេសចរអាចជិះរំអិលលើផ្ទាំងទឹកកកកែច្នៃដែលគេបានរៀបចំ ឬបង្កើតឡើង បានយ៉ាងសប្បាយរីករាយ។

បើអ្នកមានលទ្ធភាព និងមិនដឹងថាទៅណានៅឱកាសឆ្លងឆ្នាំខាងមុខនេះទេ អ្នកអាចទៅ Countdown (រាប់ថយក្រោយ) នៅទីនោះបាន ហើយអ្នកប្រាកដជាទទួលបានបទពិសោធន៍ថ្មីដែលពុំធ្លាប់មានជាក់ជាមិនខាន៕

តើប្រិយមិត្តយល់យ៉ាងណាដែរ?

ចង់ជ្រាបច្បាស់ទស្សនាវីដេអូខាងក្រោម៖ 

• ទីកន្លែង
• វីដេអូ