ចិន៖ វីដេអូឃ្លីបលោកតាវ័យចំណាស់ម្នាក់ ថ្មីៗនេះកំពុងតែទទួលបានការចាប់អារម្មណ៍យ៉ាងខ្លាំង ពីអ្នកលេងបណ្តាញសង្គម ក្រោយលោកតាបានហុចលុយឲ្យយុវតីម្នាក់ ដែលស្លៀកខោខូវប៊យរហែក ដើម្បីឲ្យនាងយកទៅទិញខោថ្មីស្លៀក។
វីដេអូឃ្លីបនេះដែរ ត្រូវបានគេជឿជាក់ថា ថតចេញពីប្រទេសចិន និងត្រូវបានបង្ហោះចែកចាយនៅក្នុងបណ្តាញសង្គម TikTok ជាសកម្មភាពពិត មិនមែនគ្រាន់តែជាការសម្ដែង ដែលបុរសវ័យចំណាស់មិនស្គាល់អត្តសញ្ញាណខាងលើនោះ បានហុចលុយទៅឲ្យក្មេងស្រីជំទង់ម្នាក់ ហើយគាត់ថែមទាំងទទូចឲ្យនាង គួរតែយកលុយរបស់គាត់ទៅ ដើម្បីយកទៅទិញខោថ្មីស្លៀក កុំឲ្យខ្មាសគេ។
នេះក៏ដោយសារតែ លោកតាបានឃើញក្មេងស្រីវ័យជំទង់ខាងលើនេះ ស្លៀកខោខូវប៊យរយីករយាក ដាច់រហែកក្បាលជង្គង់ទាំងផ្ទាំង ទាំងដែលរូបគាត់មិនបានដឹងទេថា តាមពិតទៅនោះ វាគ្រាន់តែជាម៉ូតខោរហែករបស់គេប៉ុណ្ណោះ។
អ្នកលេងបណ្តាញសង្គមជាច្រើន អស់សំណើចនឹងវីដេអូនេះ ប៉ុន្តែពួកគេក៏បានលើកសរសើរយ៉ាងខ្លាំងដល់លោកតាចំណាស់ ដែលមានទឹកចិត្តដ៏ល្អពេលឃើញអ្នកដទៃមានសភាពយ៉ាប់យ៉ឺនបែបនេះ។ ហើយពួកគេក៏បានសំណូមពរឲ្យយុវវ័យទាំងអស់ គួរតែរៀនស្លៀកពាក់ឲ្យបានសមរម្យជាងនេះផងដែរ។
គួរឲ្យដឹងផងដែរថា បើយោងតាមប្រភព ខោម៉ូតរហែកបែបនេះ ធ្លាប់ទទួលបានប្រជាប្រិយភាពក្នុងកំឡុងទសវត្សរ៍ឆ្នាំ៨០ និង៩០ រហូតបន្តមកដល់ឆ្នាំ២០០០ និងចេះតែមានជាហូរហែមកទល់ពេលបច្ចុប្បន្ននេះផងដែរ៕
តើសម្រាប់ប្រិយមិត្តវិញយល់យ៉ាងណាដែរ?
ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
