ឥណ្ឌា៖ មហាសេដ្ឋីត្បូងពេជ្រមួយរូបកំពុងល្បីកក្រើកនៅលើអ៊ីនធើណេត ក្រោយពីបានជួយបង់ថ្លៃបណ្តាការ (ថ្លៃទឹកដោះ) ដល់កូនក្រមុំជាច្រើននាក់។
នៅរយៈពេល ៨ឆ្នាំចុងក្រោយនេះ អ្នកជំនួញ Mahesh Savani បានជួយបង់ថ្លៃបណ្តាការដល់កូនក្រមុំដែលគ្មានឪពុក បានជាង ៣,០០០ នាក់ ហើយក្នុងឆ្នាំ ២០១៨នេះ លោកបានជួយដល់កូនក្រមុំចំនួន ២៦១ នាក់ ក្នុងនោះមានជនជាតិមូស្លីម ៦ នាក់ និងពួកគ្រីស្ទាន ៣ នាក់ផងដែរ។ កូនក្រមុំទាំង ១១៨ នាក់ ពួកគេសុទ្ធសឹងគ្មានសាច់ញាតិ ហើយ ៥៤ នាក់ជាកូនកំព្រា។
គូស្វាមីភរិយាទាំងអស់នៅក្នុងឆ្នាំនេះ ថែមទាំងទទួលបានសម្ភារប្រើប្រាស់នានានៅក្នុងផ្ទះ និងការធានារ៉ាប់រងដែលមានតម្លៃ ២០០,០០០ រូពី (២,៨៥០ ដុល្លារ) បន្ថែមទៀត។
នៅក្នុងបទសម្ភាសន៍ជាមួយសារព័ត៌មានអន្តរជាតិ លោក Mahesh បានថ្លែងថា៖ លោកមានអារម្មណ៍ថាជា «ទំនួលខុសត្រូវសង្គម» ក្នុងការជួយស្រ្តីដែលគ្មានលទ្ធភាពចំណាយលើថ្លៃអាពាហ៍ពិពាហ៍របស់ពួកគេ។
គួរឱ្យដឹងផងដែរ នៅក្នុងប្រទេសឥណ្ឌា (គឺខុសពីខ្មែរទាំងស្រុង) កូនក្រមុំត្រូវតែចូលដណ្តឹងកូនកម្លោះ ហើយការចំណាយលើថ្លៃអាពាហ៍ពិពាហ៍មានតម្លៃថ្លៃណាស់ ហើយជាទូទៅការចំណាយទាំងនេះ ជាទំនួលខុសត្រូវរបស់ឪពុកខាងស្រី។ នេះមានន័យថាបើឪពុកខាងស្រីបានស្លាប់បាត់ទៅ ឬក៏កី្រក្រ នាងមានឱកាសតិចតួចបំផុតដែលបានរៀបចំពិធីរៀបអាពាហ៍ពិពាហ៍។
យោងតាមសម្តីរបស់លោក Mahesh បានពន្យល់បន្ថែមទៀតថា៖ លោកចាប់ផ្តើមជួយចេញថ្លៃទឹកដោះនេះចាប់តាំងពីឆ្នាំ ២០០៨ មកម្ល៉េះ។ លោកបានជួយចេញថ្លៃទឹកដោះដល់កូនស្រីរបស់បងប្អូនសាច់ឆ្ងាយលោកដែលបានស្លាប់បាត់ទៅ បន្ទាប់មកលោកក៏ជួយក្មេងស្រីអភ័ព្វផ្សេងៗទៀតជាហូរហែរហូតមក ហើយសរុបមកទល់ពេលនេះ លោកបានជួយរៀបចំពិធីរៀបអាពាហ៍ពិពាហ៍បាន ៣,១៧២ គូ៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]