គួរឲ្យច្រណែន! ទេព បូព្រឹក្ស មានបញ្ហាបែបនេះ ដេវីត បង្ហោះសារឲ្យកម្លាំងចិត្តឡើងស្វីត

ភ្នំពេញ៖ មកទល់ពេលនេះ រឿងរ៉ាវរបស់តារាចម្រៀងប្រចាំផលិតកម្មរស្មីហង្សមាស កញ្ញា ទេព បូព្រឹក្ស មិនទាន់ចប់ដាច់ស្រេចនៅឡើយនោះទេ ដោយរូបនាងបានដាក់ពាក្យបណ្តឹង ទារសំណងជាទឹកប្រាក់យ៉ាងច្រើន ពីជនដៃដល់ដែលធ្វើរឿងមិនគម្បីមកលើនាងផងដែរ។

យ៉ាងណាមិញ ខណៈរឿងរ៉ាវរបស់កញ្ញា ទេព បូព្រឹក្ស កំពុងតែដោះស្រាយ ស្រាប់តែម្សិលមិញនេះ ផ្អែកលើគណនីអ៊ីនស្តារក្រាមរបស់តារាចម្រៀងរ៉េបលោក ជី ដេវីត ដែលគ្រប់គ្នាស្គាល់ថាជាគូស្នេហ៍កញ្ញា ទេព បូព្រឹក្ស បានបង្ហោះរូបភាព អមជាមួយសារយ៉ាងស្វីតមួយដើម្បីលើកទឹកចិត្តសង្សារខ្លួនថា៖ “អូនត្រូវរឹងមាំ បងនៅទីនេះជាមួយអូន”។

ក្រោយពីឃើញសាររបស់លោក ដេវីត សរសរសម្រាប់កញ្ញា ទេព បូព្រឹក្ស បែបនេះហើយ មហាជនជាច្រើន បានលាន់មាត់សរសើររូបលោកស្ទើរតែគ្រប់គ្នា ព្រោះថាកាលដំបូងឡើងនៅពេលដែលកញ្ញា ទេព បូព្រឹក្ស មានបញ្ហា លោកក៏បានចេញមុខជួយដោះស្រាយទាំងកណ្តាលយប់ ហើយនៅពេលនេះលោកថែមទាំង បង្ហោះសារយ៉ាងស្វីត ដើម្បីលើកទឹកចិត្តគូស្នេហ៍របស់ខ្លួនថែមទៀត ដែលមើលទៅពិតជាគួរឲ្យច្រណែនខ្លាំងមែនទែន៕

តើប្រិយមិត្តយល់យ៉ាងណាដែរ? 

• ទេព បូព្រឹក្ស
• ងួន ចាន់ដេវីត
• តារាខ្មែរ