រាជធានីភ្នំពេញ ៖ សេចក្តីរាយការណ៍ឱ្យដឹងបន្តលើករណី កញ្ញាទេព បូព្រឹក្ស ដែលបានបង្កការភ្ញាក់ផ្អើលយ៉ាងខ្លាំង ក្រោយពីត្រូវបុរសម្នាក់បានជះស្រា និងគប់កំប៉ុងលើនាង ។ នៅទីបំផុត បានទទួលការសម្របសម្រួលនៅទល់មុខគ្នា រវាងភាគីជម្លោះទាំង២ គឺកញ្ញាទេព បូព្រឹក្ស និងបុរសបង្កខាងលើ ខណៈត្រូវខាងកញ្ញាបានដាក់លក្ខខណ្ឌ៣ចំណុចទៅខាងភាគីបង្ក ។ នេះបើយោងការបង្ហោះលើផេកហ្វេសបុករបស់លោក Heng Loong នាប៉ុន្មាននាទីមុន នៅរសៀលថ្ងៃទី២៧ ធ្នូ ដែលមានខ្លឹមសារដើមទាំងស្រុងដូចខាងក្រោម ៖
«នាព្រឹកថ្ងៃទី 27 ខែធ្នូ ឆ្នាំ 2018 ក្រុមមេធាវីស្ម័គ្រចិត្តរបស់កញ្ញាទេពបូព្រឹក្ស បានជួបផ្ទាល់ជាមួយនិងជនបង្កឈ្មោះឆេងរស្មី(រូបខាងក្រោម)ដែលជាអ្នកគប់កំប៉ុងស្រាបៀរមកលើកញ្ញា។
ទាំងជនបង្កនិងទាំងម្ចាស់ហាងបានឆ្លើយថាខ្លួនស្រវឹង តើបងប្អូនទាំងអស់គ្នាទទួលយកបានទេ?
បើគ្រាន់តែពួកគាត់ឆ្លើយដោះសារថាស្រវឹងបែបនេះ?
តើភាពឈឺចាប់ និងខ្មាស់គេប៉ុណ្ណារហូតហ៊ានទៅដល់ធ្វើការ live យំស្រែកតាម facebook ដើម្បីសុវត្ថិភាពផ្ទាល់ខ្លួន និងឱ្យមហាជនជួយរកយុត្តិធម៌?
សំណូមពររបស់ភាគីទេពបូព្រឹក្សមាន 3 ចំណុចដូចខាងក្រោម:
១. ធ្វើសន្និសីទកាសែតសុំទោសជាសាធារណៈ
២. សំណងរដ្ឋប្បវេណីខូចខាតកិត្តិយសចំនួន 10 ម៉ឺនដុល្លារ
៣. ធ្វើកិច្ចសន្យាចំពោះមុខអាជ្ញាធរមីនគុំគួនសងសឹកគ្នាបញ្ចុះទំនាស់ដោយសន្តិវិធី។
ភាគីជនបង្កបានដកឃ្លាដើម្បីពិចារណាទៅលើសំណូមពរទាំងបីរបស់ជនរងគ្រោះ។
អរគុណសំរាប់បងប្អូនដែលគាំទ្រនិងចូលរួមឈឺចាប់ជាមួយកញ្ញាទេពបូព្រឹក្សអរគុណសម្រាប់ការស៊ែរចែករំលែកជូនមហាជនជ្រាបជាពត៌មាន»
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
