រាជធានីភ្នំពេញ ៖ យុវជនម្នាក់ស្លៀកសម្លៀកបំពាក់ឯកសណ្ឋានជាសិស្សសាលាបានរងរបួស ធ្ងន់ធ្ងរ ខណៈពេលជិះម៉ូតូទៅបុកគូទរថយន្ដឈប់ចតនៅចិញ្ចើមផ្លូវអត់មាន ដាក់ភ្លើងសញ្ញា កាលពីវេលាម៉ោង៩និង៣០នាទីយប់ថ្ងៃទី១៧ មីនា នៅតាមផ្លូវលេខ២២៥ សង្កាត់ផ្សារដេប៉ូទី២ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា ជនរងគ្រោះមានអាយុប្រហែល២០ឆ្នាំ ជិះម៉ូតូឌ្រីមសេ១២៥ ស៊េរី២០០៩ ពណ៌ខ្មៅ តាមផ្លូវលេខ២២៥ ពីត្បូងទៅជើង ខណៈមកដល់ចំណុចកើតហេតុបានជ្រុលទៅបុកគូទរថយន្ដលែនរ៉ូវែរ ពណ៌ឈាមជ្រូក ចតនៅចិញ្ចើមផ្លូវ បណ្ដាលឱ្យដួលបែកមាត់ហូរឈាមសន្លប់ឈឹងតែម្ដង ។
ក្រោយពេលកើតហេតុជនរងគ្រោះត្រូវរថយន្ដសង្គ្រោះ ដឹកយកទៅព្យាបាលនៅគ្លីនិកឯកជន ប៉ុន្ដែស្ថានភាពធ្ងន់ធ្ងរពេកក៏បញ្ជូនបន្ដទៅមន្ទីរពេទ្យកាល់ម៉ែត ។ រថយន្ដនិងម៉ូតូរបស់ជនរងគ្រោះត្រូវសមត្ថកិច្ចយកទៅរក្សាទុកនៅ អធិការដ្ឋានខណ្ឌទួលគោករង់ចាំធ្វើការដោះស្រាយបន្ដទៀត៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]