នារីម្នាក់ ត្រូវគ្រួសារខាងប្តីមើលងាយ និងបោះបង់ចោល ឈឺចិត្តទៅកែសម្ផស្ស ចុងក្រោយជីវិតក៏ផ្លាស់ប្តូរទាំងស្រុង

វៀតណាម៖ កាលពីពេលថ្មីៗកន្លងទៅនេះ នារីម្នាក់បានចែករំលែករឿងពិតទាក់ទងទៅនឹងការវះកាត់ កែសម្ផស្សនៅលើបណ្តាញសង្គមហ្វេសប៊ុក បង្កឱ្យមហាជនមានការចាប់អារម្មណ៍ជាខ្លាំង។

អ្នកនាង Huyen អាយុ ២៨ ឆ្នាំមកពីទីក្រុងហូជីមិញ បានផ្លាស់ប្តូរជីវិតទាំងស្រុង ក្រោយពីកែសម្ផស្ស ព្រោះពីមុនមនុស្សភាគច្រើនតែងសើចចំអកថានាងមានមុខមាត់ និងរូបរាងអាក្រក់។ ជាក់ស្តែង ប្តីរបស់នាង និងក្រុមគ្រួសារខាងប្រុសមិនពេញចិត្តនាងទេ ព្រោះពួកគេគិតថានាងមានមុខមាត់អាក្រក់ បើទោះបីជានាងបានបង្កើតកូនស្រីម្នាក់ឱ្យពួកគេក៏ដោយ។

ក្រោយមកពួកគេក៏ឈ្លោះគ្នា ហើយក៏បានលែងលះគ្នា។ បន្ទាប់ពីឈឺចិត្តខ្លាំងពេក នាងក៏បានសន្យាថានឹងផ្លាស់ប្តូរជីវិតរបស់នាង។ ចាប់តាំងពីពេលនោះមក នាងក៏បានផ្ញើកូនស្រីឱ្យម៉ាក់របស់នាងមើល ហើយនាងខិតខំធ្វើការ និងទៅមើលកូនស្រីតែពេលចុងសប្តាហ៍ប៉ុណ្ណោះ។ នាងចាប់ផ្តើមសន្សំលុយដើម្បីកែសម្ផស្ស ពីព្រោះនាងជឿជាក់ថានេះគឺជាគន្លឹះតែមួយគត់ដែលអាចផ្តាស់ប្តូរជីវិតរបស់នាងបាន។

ក្នុងរយៈពេល ៣ ឆ្នាំចុងក្រោយនេះ នាងបានចំណាយប្រាក់អស់ ១០០ លានដុង (ជាង ៤,៣០០ ដុល្លារ) សម្រាប់ធ្វើការវះកាត់ កែសម្ផស្សនេះ។

នាងបាននិយាយថា «ដោយសារតែខ្ញុំមិនមានលុយច្រើន ទើបខ្ញុំត្រូវធ្វើការដោយមិនបានសម្រាកអ្វីច្រើនទេ បន្ទាប់ពីវះកាត់រួច។ ខ្ញុំនៅចាំបានថានៅថ្ងៃទី៣ បន្ទាប់ពីវះកាត់ដើមទ្រូងរូច ខ្ញុំមានការឈឺចាប់ជាខ្លាំង តែខ្ញុំនៅតែទ្រាំ ទៅធ្វើការ ហើយពេលនោះគឺជាពេលដែលឈឺចាប់បំផុតនៅក្នុងជីវិតរបស់ខ្ញុំ។»

ដំបូងឡើយម៉ាក់របស់ Huyen មានការព្រួយបារម្ភអំពីសុខភាពរបស់នាង និងមិនគាំទ្រនូវការកែសម្ផស្សនេះទេ ក្រោយមកបន្ទាប់ពីឃើញការផ្លាស់ប្តូររបស់កូនស្រី គាត់ក៏ចាប់ផ្តើមគាំទ្រនូវការសម្រេចចិត្តមួយនេះ។

ជាក់ស្តែងការកែសម្ផស្សមួយនេះពិតជាអស្ចារ្យ និងផ្លាស់ប្តូរជីវិតរបស់នាងពិតមែន ហើយសូម្បីតែអតីតប្តីរបស់នាងក៏មានការភ្ញាក់ផ្អើលជាខ្លាំង នៅពេលលោកជួបនាងម្តងទៀតផងដែរ។

បន្ថែមពីនេះទៀត នាងបានបង្ហើបឱ្យដឹងថា មុខមាត់ និងរូបរាងថ្មីនេះបានផ្តល់ជំនឿចិត្តដល់នាង និង ជួយការងារនាងជាច្រើន ហើយបច្ចុប្បន្ននាងរីករាយនូវមុខមាត់ថ្មីនេះ ហើយនាងគ្រោងនឹងវះកាត់កែច្រមុះបន្ថែមទៀតនាពេលអនាគត៕  

តើប្រិយមិត្តយល់យ៉ាងណាដែរ?

ចង់ជ្រាបច្បាស់ទស្សនារូបថតខាងក្រោម៖

• យុវវ័យ
• គ្រួសារ
• ស្នេហា
• ជីវិត
• រូបភាព