ឡូយកប់! ប្រពន្ធតារាចម្រៀង Jay Chou ជូនកាដូឡាន Lamborghini តម្លៃរាប់ម៉ឺនដុល្លារឱ្យប្តី នៅថ្ងៃបុណ្យណូអែល

តៃវ៉ាន់៖ ជាទូទៅនៅថ្ងៃបុណ្យណូអែល ប្តីប្រពន្ធតែងជួបជុំគ្នាញុំាអី និងទិញរបស់របរជូនគ្នាទៅវិញទៅមកជាដើម តួយ៉ាងដូចជាតារាចម្រៀង Jay Chou អីចឹង លោកបានទទួលកាដូពិសេសដ៏ធំមួយពីភរិយារបស់លោក ដែលធ្វើឱ្យមហាជនជាច្រើនមានការច្រណែននឹងរូបលោកជាខ្លាំង។

កាលពីថ្ងៃសៅរ៍កន្លងទៅ ប្រពន្ធតារាចម្រៀងតៃវ៉ាន់រូបនេះ បានជូនកាដូដ៏ធំមួយជារថយន្ត Lamborghini Urus  តម្លៃជាង ៣២៤,០០០ ដុល្លារឱ្យប្តីសម្លាញ់របស់ខ្លួនក្នុងឱកាសបុណ្យណូអែលឆ្នាំនេះ។

លោក Jay Chou ពិតជារីករាយជាខ្លាំងទើបលោកមិនអាចទ្រាំបាន ក៏បង្ហោះរូបឡាននេះចូលទៅក្នុងគណនី Instagram របស់លោក។ ឡានដ៏ស្រស់ស្អាតនេះគឺជាអំណោយពិសេសសម្រាប់ថ្ងៃបុណ្យណូអែល និងថ្ងៃខួបកំណើតរបស់លោកនៅខែក្រោយនេះ ដែលលោកជិតឈានចូលវ័យ ៤០ ឆ្នាំហើយ។

គួរឱ្យដឹងថា លោក Jay Chou បានរៀបអាពាហ៍ពិពាហ៍ជាមួយនឹងអ្នកនាង Hannah Quinlivan នៅក្នុងឆ្នាំ ២០១៥ ហើយពួកគេពិតជាស្រលាញ់គ្នាខ្លាំងមែនទែន។ អ្នកនាង Hannah Quinlivan  ជាតារាសម្តែង និងជាតារាបង្ហាញម៉ូតដ៏មានប្រជាប្រិយភាពមួយរូបនៅកោះតៃវ៉ាន់ ហើយលោក Jay Chou  ជាអ្នកស្រលាញ់ឡានបំផុត លោកថែមទាំងមានឡាន Batmobile ដូចជាឡាននៅក្នុងរឿង Batman អីចឹង៕

តើប្រិយមិត្តយល់យ៉ាងណាដែរ?

សូមទស្សនារូបភាពខាងក្រោម៖   

• ចម្រៀង
• ឡាន
• តារាចិន