ស្អាតប្លែក! ឆ្នាំថ្មីមិនទាន់ សុគន្ធ និសា ប្តូរម៉ូតសក់ មកកាត់ខ្លីភ្លែត

ភ្នំពេញ៖ កំពូលតារាចម្រៀងប្រចាំផលិតកម្មរស្មីហង្សមាស អ្នកនាង សុគន្ធ និសា ពីមួយថ្ងៃទៅមួយថ្ងៃ នាងកាន់តែទទួលការគាំទ្រពីសំណាក់មហាជនទូទាំងប្រទេស ព្រោះថាតារាចម្រៀងរូបនេះ មិនត្រឹមតែមានសម្លេងពីរោះនោះទេ ក៏ប៉ុន្តែនាងថែមទាំងមានរូបសម្រស់ស្រស់ស្អាតក្មេងជាងវ័យថែមទៀតផង។

យ៉ាងណាមិញ សម្រាប់ប្រិយមិត្តមួយចំនួន ដែលជាអ្នកគាំទ្រតារាចម្រៀងស្រស់សោភារូបនេះ ច្បាស់ជាជ្រាបហើយថា អ្នកនាង សុគន្ធ និសា ជាតារាចម្រៀងមួយរូប ដែលចូលចិត្តទុកសក់វែង ហើយអ្នកគាំទ្រក៏កម្រនឹងឃើញនាង កាត់សក់ខ្លីដូចគ្នា។

តួយ៉ាង ស្រាប់តែម្សិលមិញនេះ អ្នកនាង សុគន្ធ និសា បានផ្លាស់ប្តូរម៉ូតសក់ខ្លួនឯង មកកាត់ខ្លីវិញ ដោយរូបនាងបានបង្ហោះរូបភាពប្រមាណជា៣សន្លឹក នៅក្នុងគណនីផ្ទាល់ខ្លួនរបស់នាង។

ទោះជាយ៉ាងណាក្តី សម្រាប់ម៉ូតសក់ថ្មីនេះ បានធ្វើឲ្យមហាជនភ្ញាក់ផ្អើលខ្លាំងមែនទែន ព្រោះអ្នកគាំទ្រកម្រនឹងឃើញ​នាងកាត់សក់ខ្លីបែបនេះណាស់។ លើសពីនេះទៅទៀតនោះ អ្នកគាំទ្រជាច្រើន ក៏បានលាន់មាត់សរសើរនាងស្ទើរតែគ្រប់គ្នាថាអ្នកនាង សុគន្ធ និសា ពិតជាស្អាតប្លែក សម្រាប់ម៉ូតសក់ខ្លីថ្មី ត្រៀមសម្រាប់ឆ្នាំ២០១៩នេះ៕ 

តើប្រិយមិត្តយល់យ៉ាងណាដែរ?

• ទេព បូព្រឹក្ស
• តារាខ្មែរ