អង់គ្លេស៖ អ្នកទាំងអស់គ្នាប្រហែលជាបានដឹងនូវដំណឹងដែលលោក Jose Mourinho ត្រូវបានបណ្តេញចេញពីតំណែងជាគ្រូបង្វឹករបស់ក្លឹប Manchester United ហើយ។
គួររម្លឹកថា លោក Mourinho បានជួយ Man Utd ឲ្យឈ្នះពានធំៗចំនួន៣ដូចជា
ពាន Community Shield, ពានLeague Cup និង ពាន UEFA Europa League ។
យ៉ាងណាមិញ រដូវកាលថ្មី ២០១៨ នៃលីគកំពូលបាល់ទាត់អង់គ្លេស (Premier League ) គេឃើញថាក្រុមបិសាចក្រហមហាក់ដូចជាធ្លាក់ទម្រង់លេងជាខ្លាំង។
រហូតដល់ប្រកួតចុងក្រោយ Man Utd បានបរាជ័យក្រោមដៃ ក្រុមហង្សក្រហម Liverpool យ៉ាងចាស់ដៃក្នុងលទ្ធផលដល់ទៅ ១-៣ នៅក្នុងទឹកដី Anfield ។ ហេតុការណ៍នេះបានធ្វើឲ្យអ្នកគាំទ្រក្រុម Man Utd ខឹងសម្បាយ៉ាងខ្លាំង។ រំលងបានត្រឹមតែ២ថ្ងៃបន្ទាប់ពីការប្រកួត ក្រុមមែនញ៉ូក៏សម្រេចបណ្តេញលោក Mourinho ចេញពីតំណែងតែម្តង។
ជាក់ស្តែង ទោះបីលោក Mourinho ចាកចេញមែនពិត តែក្រុម Man Utd នៅសល់ភារៈកិច្ចចុងក្រោយមួយទៀតដែលត្រូវធ្វើពោលគឺទឹកប្រាក់ប្រមាណ ៦៧៩,០០០ដុល្លារ ដែល Man Utd ត្រូវចំណាយក្នុងការទូទាត់ឲ្យថ្លៃអូតែល The Lowry ឱ្យលោក Mourinho។
គួរបញ្ជាក់ថា ក្នុងអំឡុងពេលដែលលោក Mourinho មកធ្វើជាគ្រូបង្វឹករបស់
ក្រុមបិសាចក្រហមនេះ គាត់មិនបានចំណាយប្រាក់ទិញផ្ទះ ឬអាផាតមេនអ្វីឡើយ។ ប៉ុន្តែអតីតគ្រូបង្វឹកវ័យ ៥៥ឆ្នំារូបនេះ បានសម្រេចចិត្តស្នាក់នៅក្នុងអូតែលខាងលើ អស់រយៈពេល ៨៩៥ថ្ងៃ។ ហើយបន្ទប់ដែលលោក Mourinho ស្នាក់នៅមានតម្លៃដល់ទៅ ៧៥៨ដុល្លារ ក្នុងមួយយប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
