ភ្នំពេញ៖ ប្រិយមិត្តជាច្រើនដែលបានតាមដានព័ត៌មាននៅក្នុងបណ្តាញសង្គម ច្បាស់ជាបានដឹងពីរឿងដ៏រន្ធត់ គ្រោះថ្នាក់ចរាចរន៍បុកស្លាប់ភ្លាមៗនៅនឹងកន្លែង ចោល គូដណ្តឹងយំសោកស្តាយយ៉ាងគួរឲ្យអាសូរបំផុត ក្រោយបុរសដែលស្លាប់រូបនេះឈ្មោះ ពៅ ពិសិដ្ឋ អាយុ២២ឆ្នាំរូបនេះ បានធ្វើដំណើរមកពីចែកធៀបមង្គលការរបស់ខ្លួន ដែលនឹងប្រព្រឹត្តឡើងឆាប់ៗនេះ។
ក្រោយពីបានឃើញបែបនេះ មហាជនជាច្រើនពិតជាមានការភ្ញាក់ផ្អើល និងអាណិតដល់ពួកគេជាខ្លាំង ដែលត្រូវបាត់បង់មនុស្សជាទីស្រលាញ់របស់ខ្លួនត្រឹមមួយរយៈពេលដ៏ខ្លី។ មិនត្រឹមតែប៉ុណ្ណោះ មហាជនក៏បានចាប់អារម្មណ៍ទៅលើការថត Pre Wedding លាគ្នារបស់អ្នកទាំង២ ដែលមានការស៊ែរតៗគ្នាពេញបណ្តាញសង្គមហ្វេសប៊ុក។
ដំណឹងនេះមិនទាន់បានប៉ុន្មានផង ស្រាប់តែកាលពីពេលថ្មីៗនេះ ក៏មានបណ្តាញសង្គមផ្លូវការរបស់រឿងខ្មែរដ៏ល្បី « Jailbreak» បានបង្ហោះសារទាក់ទងនឹងបុរសដែលបានស្លាប់ ថាលោកគឺជាតួអង្គសម្តែងមួយរូបនៅក្នុងរឿងនេះ កាលពីប៉ុន្មានឆ្នាំមុន។
នៅក្នុងនោះផលិតកម្ម Kongchak Pictures បានរៀបរាប់យ៉ាងដូច្នោះថា៖« សូមចូលរួមរំលែកទុក្ខដល់ក្រុមគ្រួសារលោក Seyha Nil ដែលបានបាត់បង់ជីវិតដោយសារគ្រោះថ្នាក់ចរាចរណ៍កាលពីពេលថ្មីៗនេះ។ លោក Nil Seyha គឺជាតួអង្គសំដែងម្នាក់ក្នុងខ្សែភាពយន្ត Jailbreak ផងដែរ។ សូមវិញ្ញាណក្ខ័ន្ធរបស់លោកបានទៅកាន់សុគតិភពកុំបីឃ្លៀងឃ្លាតឡើយ»។
បន្ទាប់ពីបានឃើញបែបនេះ ទើបបានជ្រាបថាលោកក៏ជាអតីតតារាសម្តែងមួយរូបនៅក្នុងរឿងដ៏ល្បីមួយនេះដែរ ក៏ប៉ុន្តែជាអកុសលលោកបានស្លាប់ទៅបាត់ និងបន្សល់ទុកតែអនុស្សាវរីយ៍ ក៏ដូចជាស្នាដៃដែលធ្លាប់បានធ្វើប៉ុណ្ណោះ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]