ប៉ូឡូញ៖ យោងតាមសារព័ត៌មាន Metro ដែលបានចេញផ្សាយថ្ងៃទី១៩ ខែធ្នូ ឆ្នាំ២០១៨ បានឲ្យដឹងថា បុរសឈ្មោះ Mariusz Sz បានយកប្រពន្ធទៅឃុំក្នុងបន្ទប់ក្រោមដីដ៏ងងឹតស្លប់មួយអស់រយៈពេល២ឆ្នាំ។ បុរសចិត្តអប្រិយម្នាក់នេះតែងរំលោភនាងជាញឹកញាប់។ មិនត្រឹមប៉ុណ្ណោះថែមទាំងហៅបងប្រុសនិងបុរសដទៃទៅរំលោភនាងទៀតដើម្បីបានលុយ៥ផោន (ស្មើនឹង ៦,៣ដុល្លារ) ពេលរំលោភម្តង។
ជនរងគ្រោះដែលជាប្រពន្ធរបស់ជនល្មើសត្រូវបានចាប់បង្ខំដោយការចងស្បោងខ្មៅរុំជុំវិញក្បាល។ គេឱ្យនាងបរិភោគត្រឹមនំសាងវ៉ិចជាមួយនឹងទឹកកាមរបស់គេប៉ុណ្ណោះ។ នាងមិនដែលមានអាហារអ្វីសម្រាប់បរិភោគគ្រប់គ្រាន់ទេ។ បើនាងត្រូវបរិភោគវា ក៏ត្រូវហូបដោយការលុតជង្គង់ដែរ ព្រោះដៃទាំងសងខាងត្រូវបានប្តីចិត្តអប្រិយចងក្រវាត់ទៅក្រោយដោយខ្សែពួរយ៉ាងតឹង។
ថ្ងៃមួយនាងបានរៀបផែនការរំដោះខ្លួន និងលួចរត់ចេញពីបន្ទប់ក្រោមដីនោះបានសម្រេច។ នាងបានរត់ទៅដល់ផ្ទះស្រែកហៅម្តាយនាងយ៉ាងខ្លាំង ដោយភ័យខ្លាចថាប្តីនាងតាមនាងពីក្រោយ។ គ្រានោះនាងបានទាក់ទងទៅខាងប៉ូលិសដែរ តែពួកគេបានច្រានចោលសំណើនាងដល់ទៅ ៣ដង ទើបចាត់វិធានការ។
ឥឡូវនេះសមត្ថកិច្ចប្រទេសប៉ូឡូញចាប់ក្របួចជនល្មើសបានហើយនិងអ្នកផ្សំគំនិតទាំងអស់មកកាត់ទោសនៅតុលាការ។ តុលាការបានដាក់ទោសលោក Mariusz Sz ដែលជាប្តីឲ្យជាប់ពន្ធនាគាររយៈពេល ២៥ឆ្នាំ។ ចំណែកបងប្រុសរបស់គេ និងបុរសផ្សេងទៀតដែលបានរួមគំនិតត្រូវជាប់ពន្ធនាគារម្នាក់ ១៥ឆ្នាំ ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]