ស្ងាត់ៗ! ម្ចាស់មកុដ Miss Grand International 2018 ឈរបង្ហាញសម្រស់នៅមុខ ព្រះបរមរាជវាំង យ៉ាងស្រស់ស្អាត!

ភ្នំពេញ៖ ប្រិយមិត្តជាច្រើនដែលបានតាមដាន កម្មវិធី Miss Grand International 2018 ប្រាកដជាបានជ្រាបហើយថា កញ្ញា Clara Sosa ដែលមកពីប្រទេស ប៉ារ៉ាហ្គាយ (Paraguay) គឺជាម្ចាស់ជ័យលាភីតែមួយគត់ នៅក្នុងការប្រកួតកម្មវិធី ទាំងនេះក៏ព្រោះតែសមត្ថភាពក៏ដូចជាការខិតខំប្រឹងប្រែងរបស់នាង ទើបធ្វើឲ្យទទួលបានភាពជោគជ័យយ៉ាងដូច្នោះ។

ជាក់ស្តែងកាលពីពេលថ្មីៗនេះ ពិតជាមានការភ្ញាក់ផ្អើលពីបណ្តាអ្នកគាំទ្រជាច្រើន ក្រោយបានឃើញបវរកញ្ញារូបនេះ មកបង្ហាញសម្រស់ដ៏ស្រស់ស្អាតនៅខាងមុខបរិវេណនៃព្រះបរមរាជវាំង ព្រោះថានេះជាលើកទី១ហើយ ដែលបវរកញ្ញារូបនេះ បានមកដើរទស្សនកិច្ចនៅប្រទេសកម្ពុជា។

ក្រោយពីបានឃើញរូបសម្រស់ដ៏ស្រស់ស្អាត របស់បវរកញ្ញារូបនេះ បានធ្វើឲ្យអ្នកគាំទ្រជាច្រើនសរសើរដល់នាងគ្រប់គ្នា ដែលទោះបីជានាងស្លៀកពាក់បែបសាមញ្ញយ៉ាងណាក្តី សម្រស់របស់នាងនៅតែស្អាត គួរឲ្យទាក់ទាញជានិច្ច ជាពិសេសនៅពេលដែលនាងឈរថតនៅមុខព្រះបរមរាជវាំងបែបនេះ។

គួរបញ្ជាក់ផងដែរថា ការធ្វើដំណើរមកប្រទេសខ្មែរលើកនេះ គឺជាការចូលរួមអញ្ជើញនៅក្នុងកម្មវិធីមួយ ដែលក្នុងនោះក៏មានកញ្ញា ឌី លីកា ដែលជាបវរកញ្ញារបស់កម្ពុជា បានទទួលស្វាគមន៍ដល់នាងយ៉ាងកក់ក្តៅ៕

សូមទស្សនារូបភាពខាងក្រោមនេះ ដើម្បីជា្របកាន់តែច្បាស់៖

• ឌី លីកា
• តារាខ្មែរ
• តារាអន្តរជាតិ