បរទេស៖ កញ្ញា Lilian Tan បានក្លាយជាកីឡាការិនីកាយវប្បកម្មអាស៊ីដំបូងគេបង្អស់ដែលឈ្នះមេដាយមាសពិភពលោក ៤ សម័យកាល។
កញ្ញាបានឈ្នះមេដាយមាសក្នុងប្រភេទទម្ងន់ ៥៥ គីឡូក្រាមនៅក្នុងការប្រកួត World Bodybuilding and Physical Fitness Championships នៅទីក្រុងឈៀងម៉ៃ ប្រទេសថៃ កាលពីពេលថ្មីៗនេះ។
កញ្ញាដែលមានដើមកំណើតមកពីប្រទេសម៉ាឡេស៊ីរូបនេះ ក៏បានឈ្នះមេដាយមាសក្នុងប្រភេទអាយុ ៣០ ឆ្នាំ ឬលើហ្នឹង នៅក្នុងការប្រកួតកីឡាកាយវប្បកម្ម WBPF ផងដែរ។
ដើម្បីស្វែងរកមេដាយមាសលើកទីបួននេះ កញ្ញាបានប្រឈមនឹងឧបសគ្គជាច្រើន។ កញ្ញាបានប្រាប់អ្នកសារព័ត៌មានថា៖ «សហព័ន្ធកីឡាជាតិរបស់កញ្ញាផ្តល់ការផ្គត់ផ្គង់មានកម្រិត ជាពិសេសនៅពេលពួកគេមានវិធានការកាត់បន្ថយការចំណាយនៅពេលថ្មីៗនេះ។»
យ៉ាងណាមិញ ដោយសារការឧបត្ថម្ភពីអ្នកគាំទ្រក ទើបកញ្ញាអាចសម្រេចបានក្តីស្រមៃយកឈ្នះមេដាយមាសលើកទីបួននេះបាន។
គួររម្លឹកផងដែរ កញ្ញាធ្លាប់បានឈ្នះមេដាយមាសកាយវប្បកម្មពិភពលោកនៅទីក្រុងបាងកក ប្រទេសថៃក្នុងឆ្នាំ ២០១២, ឈ្នះនៅទីក្រុងបុមបៃ ប្រទេសឥណ្ឌានៅក្នុងឆ្នាំ ២០១៤, ឈ្នះនៅទីក្រុងប៉ាតាយ៉ា ប្រទេសថៃក្នុងឆ្នាំ ២០១៦ និងចុងក្រោយឈ្នះនៅទីក្រុងឈៀងម៉ៃ ប្រទេសថៃ ឆ្នាំ២០១៨ នេះទៀត៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]