ភ្នំពេញ៖ កាលពីថ្ងៃទី១៧ ខែធ្នូ ម្សិលមិញនេះ កញ្ញា រំដួលលិចទឹក ដែលគ្រប់គ្នាស្គាល់ថាជា ឌីហ្សាញន័រល្បីឈ្មោះមួយរូប ប្រចាំប្រទេសកម្ពុជា បានប្រារព្ធធ្វើឡើងនូវកម្មវិធីបើកសន្និសិទកាសែត បើកដំណើរការជាផ្លូវការនូវព្រឹត្តិការណ៍ ប្រកួតកញ្ញាឯកលំដាប់ពិភពលោកថ្មីបំផុតមួយ ដែលមិនធ្លាប់មានក្នុងប្រទេសកម្ពុជាពីមុនមក គឺព្រឹត្តិការណ៍ប្រកួតបវរកញ្ញាឯកភពផែនដីកម្ពុជា ២០១៩ (Miss Planet Cambodia 2019)។
នេះបើយោងតាមការលើកឡើងរបស់កញ្ញា រំដួលលិចទឹក បានឲ្យដឹងថា នេះគឺលើកទីមួយ ហើយក៏ជាឆ្នាំដំបូងបំផុតផងដែរ ដែលកម្ពុជាយើង នាំយកមកនូវ ព្រឹត្តិការណ៍ប្រកួតកញ្ញាឯកភពផែនដីនេះ។ ហើយនៅក្នុងអំឡុងដើមឆ្នាំ២០១៩ ខាងមុននេះផងដែរ ការប្រកួតកញ្ញាឯកភពផែនដី ២០១៩ ( Miss Planet Internation 2019) នឹងចាប់ផ្តើមដំណើរការជ្រើសប្រកួតជាផ្លូវការ ដោយមានបេក្ខនារីរាប់រយរូបទូទាំងពិភពលោក ដែលសុទ្ធសឹងតែជា កញ្ញាឯកភពផែនដីប្រចាំប្រទេសនីមួយៗរបស់ពួកគេ មកធ្វើការប្រកួតចម្រុះស្វែងរកម្ចាស់ម្កុដឆ្នាំ២០១៩យ៉ាងពិតប្រាកដ។
ដោយឡែក អ្វីដែលគួរឲ្យរំភើបជាងនេះទៅទៀតនោះ នៅក្នុងវគ្គចម្រុះផ្តាច់ព្រ័ត្រនៃការប្រកួត Miss Planet Internation 2019នេះ នឹងប្រារព្ធធ្វើឡើងនៅក្នុងប្រទេសកម្ពុជាយើងផ្ទាល់តែម្តង ពោលគឺកម្ពុជានឹងក្លាយជាម្ចាស់ផ្ទះ នៅក្នុងកម្មវិធីប្រកួតកញ្ញាឯកលំដាប់ថ្នាក់ពិភពលោក Miss Planet Internation 2019 ។
គួរបញ្ជាក់ផងដែរថា គោលបំណងនៃការបង្កើតនូវកម្មវិធី ប្រកួតកញ្ញាឯកភពផែនដីកម្ពុជា ២០១៩ ឬ (Miss Planet Cambodia 2019)នេះឡើង គឺដើម្បីជ្រើសរើសកញ្ញាឯក ដែលមានភាពស្រស់ស្អាត វៃឆ្លាត និងមានចំណេះដឹង ព្រមទាំងមានការទាក់ទងទៅនឹង សិល្បៈវប្បធម៌ជាតិផងដែរ។ មិនតែប៉ុណ្ណោះ ការប្រកួតកញ្ញាឯកភពផែនដីកម្ពុជា ២០១៩ នេះផងដែរ គឺបានផ្តោតទៅលើ ការថែរក្សាបរិស្ថាន ធម្មជាតិ រួមបញ្ចូលទាំងសិល្បៈវប្បធម៌ និងកិច្ចការងារសង្គមផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
