ថៃ៖ កម្មវិធីប្រកួតប្រជែងលំដាប់ថ្នាក់ពិភពលោក Miss Universe ឆ្នាំ២០១៨ ដែលប្រារព្ធនៅប្រទេសថៃ បានបញ្ចប់កាលពីម្សិលមិញនេះយ៉ាងរលូន ដោយម្ចាស់មកុដសម្រាប់ឆ្នាំនេះ បានទៅលើបវរកញ្ញា Catriona Gray មកពីប្រទេសហ្វីលីពីន។
ដោយឡែក ក្រោយពីបញ្ចប់កម្មវីធី Miss Universe នេះភ្លាម ស្រាប់តែមានគណនីអ៊ីស្តារក្រាមមួយ បានបង្ហោះអំពីលទ្ធផលពិន្ទុសរុប នៃការប្រកួតរបស់បវរកញ្ញា នីមួយៗចំនួន៣០ប្រទេស ដែលមានពិន្ទុខ្ពស់ជាងគេក្នុងចំណោមបវរកញ្ញាចំនួន៩០ប្រទេសដែលចូលរួម។
ក្នុងនោះដែរ អ្វីដែលគួរឲ្យភ្ញាក់ផ្អើលនោះ ក្នុងចំណោមពិន្ទុសរុបខ្ពស់ជាងគេទាំង៣០ប្រទេស គេសង្កេតឃើញថា ក៏មានប្រទេសកម្ពុជាផងដែរ ដែលជាប់ចំណាត់ថ្នាក់លេខ ២៨ ក្នុងពិន្ទុ ៧.១០ ។
ទោះជាយ៉ាងណាក្តី ក្រោយពីឃើញបែបនេះ បានបង្ហាញឲ្យឃើញថា សមត្ថភាពរបស់កញ្ញា រឿន ណាត ដែលតំណាងឲ្យប្រទេសកម្ពុជា ពិតជាមិនធម្មតានោះទេ ព្រោះថានាងក៏ទទួលបានចំណាត់ថ្នាក់លេខ២៨ ក្នុងចំណោមបវរកញ្ញា ដែលមានសមត្ថភាពខ្លាំងៗមកពី៩០ប្រទេស ដែលចូលរួមផងដែរ។ ម៉្យាងវិញទៀត មហាជនមួយចំនួនក៏បានបង្ហាញអារម្មណ៍សោកស្តាយ ព្រោះថានៅខ្វះតែប៉ុន្មានពិន្ទុទៀតតែប៉ុណ្ណោះ កញ្ញា រឿន ណាត ប្រាកដជាអាចជាប់ចូលក្នុង Top 20 ដើម្បីប្រកួតបន្ត ដណ្តើមយកមកុដបាត់ទៅហើយ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]