ខេមរៈ សិរីមន្ត និងគ្រួសារ ជ្រើសយកសម្លៀកបំពាក់ប្រពៃណី ពណ៌លឿងស្លៀកទាំងអស់គ្នា យ៉ាងស្អាតៗ

ភ្នំពេញ៖ អ្នកគាំទ្រជាច្រើនប្រាកដជាបានដឹងរួចមកហើយថា តារាចម្រៀងដ៏មានប្រជាប្រិយភាព លោកខេមរៈ សិរីមន្ត ទើបតែនឹងទទួលបានសមាជិកថ្មីម្នាក់ទៀត ដែលជាកូនស្រីទើបនឹងកើត មានមុខមាត់គួរឲ្យក្នាញ់ មិនត្រឹមតែប៉ុណ្ណោះចំណងគ្រួសាររបស់លោកក៏កាន់តែផ្អែមល្ហែមខ្លាំងឡើង ទោះបីជាតារាប្រុសរូបនេះ មិនសូវបង្ហាញយ៉ាងណាក្តី។

ម្យ៉ាងវិញទៀត ទោះបីជាមានភាពមមាញឹកនៅក្នុងការងារសិល្បៈយ៉ាងណាក្តី តែតារារូបនេះក៏មិនភ្លេចនៅជាមួយគ្រួសារដែរ។ ជាក់ស្តែងកាលពីពេលថ្មីៗនេះ លោកនិងគ្រួសារបាននាំគ្នាប្រារព្ធពិធីបុណ្យបច្ច័យបួន ដែលបានធ្វើឡើងយ៉ាងអធិកអធមយ៉ាងខ្លាំង។

ដោយក្នុងនោះគ្រួសាររបស់តារាប្រុសរូបនេះ បាននាំគ្នារៀបចំធ្វើខ្លួនយ៉ាងស្អាតៗគួរឲ្យចាប់អារម្មណ៍ ជាពិសេសនោះគឺពួកគេក៏បាននាំគ្នាស្លៀកពាក់នៅក្នុងឈុតប្រពៃណីយ៉ាងសាកសម ពណ៌លឿងទាំងអស់គ្នា នៅក្នុងកម្មវិធីដ៏អធិកអធមមួយនេះ មើលទៅពិតជាប្លែកភ្នែកតែម្តង។

រាល់រូបភាពជាច្រើនសន្លឹក ឃើញថាគ្រួសាររបស់លោកសុទ្ធតែស្អាតៗ ជាពិសេសនៅពេលដែលនាំគ្នាស្លៀកឈុតបែបប្រពៃណី យ៉ាងស្រស់ស្អាតជាមួយគ្នាបែបនេះ៕

សូមទស្សនារូបភាពខាងក្រោមជាមួយនឹងខ្មែរឡូត ដើម្បីជ្រាបច្បាស់៖ 

• ខេមរៈ​ សិរីមន្ត
• តារាខ្មែរ