ភ្នំពេញ៖ ប្រិយមិត្តមួយចំនួន ប្រាកដជានៅចាំ អតីតតារាចម្រៀងសម្លេងផ្អែម កញ្ញា អេន ជីឡា ដែលធ្លាប់ជាតារាចម្រៀងជ្រកក្រោយទ្រនំផលិតកម្មM និងផលិតកម្មថោន ។
មកទល់ពេលនេះ កញ្ញា អេ ជីឡា បានផ្អាកពីវិស័យនេះអស់រយៈពេលជាច្រើនឆ្នាំមកហើយ ហើយចំណែកឯហេតុផលពិតប្រាកដនៃការលាឈប់នេះ មហាជននៅតែមានសង្ស័យនៅឡើយ ព្រោះថាកញ្ញា អេ ជីឡា បានឈប់ពីសិល្បៈដោយមិនបានប្រាប់អ្វីមកមហាជននោះទេ។
យ៉ាងណាមិញ ស្រាប់តែកាលពីម្សិលមិញនេះវិញ ផ្អែកលើគណនីហ្វេសប៊ុកផ្ទាល់ខ្លួនរបស់នាង បានធ្វើឲ្យមហាជនជាច្រើន ភ្ញាក់ផ្អើលមិនតិចនាក់នោះទេ ក្រោយឃើញការបង្ហោះរូបភាពជាច្រើនសន្លឹក បង្ហាញពីការបញ្ចប់ការសិក្សាបរិញ្ញាបត្រនៅសាកលវិទ្យាល័យ ដោយភ្ជាប់ជាមួយសារមួយឃ្លាថា នេះជាកាដូដែលទទួលបានរយៈពេល៦ឆ្នាំ។
ក្រោយពីឃើញបែបនេះ មហាជនជាច្រើនបានចាប់អាម្មណ៍ថា នេះប្រហែលជាហេតុផលមួយដែលកញ្ញា អេ ជីឡា បញ្ចប់ការងារជាតារាចម្រៀង ព្រោះថារយៈពេលដែលនាងផ្អាកពីសិល្បៈ គឺរយៈពេល៦ឆ្នាំហើយ តាំងពីឆ្នាំ២០១២មកម្ល៉េះ ចំណែកឯការសិក្សាររបស់នាង ក៏បញ្ចប់ត្រឹមរយៈពេល៦ឆ្នាំដូចគ្នា។
ទោះជាយ៉ាងណាក្តី នៅពេលនេះកញ្ញា អេ ជីឡា បានសម្រេចគោលបំណងរបស់ខ្លួន បានយ៉ាងជោគជ័យរយៈពេល៦ឆ្នាំ សម្រាប់ការសិក្សាបន្តនៅសាកលវិទ្យាល័យ ឯចំណែកមហាជនវិញ ក៏នៅតែសង្ឃឹមថា ថ្ងៃណាមួយអតីតតារាចម្រៀងរូបនេះ នឹងវិលត្រឡប់មកបម្រើអារម្មណ៍អ្នកគាំទ្រតាមរយៈសម្លេង ដ៏ពីរោះរបស់នាងជាថ្មីម្តងទៀតផងដែរ៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
