ឃើញMiss Universe កម្ពុជា រឿន ណាត ដើរម៉ូតញញឹមជឿជាក់ខ្លាំង តែពេលដឹងធាតុពិត ទើបអាណិតនាងខ្លាំង

ថៃ៖ កម្មវិធីប្រកួតMiss Universe 2018 កំពុងតែធ្វើឡើងយ៉ាងអធិកអធមជាទីបំផុតនៅក្នុងប្រទេសថៃ ហើយនាព្រឹកនេះដែរ ក៏ជាវគ្គចុងបញ្ចប់នៃកម្មវិធី នៃការទទួលមកុដជ្រើសរើសយកបវរកញ្ញាដែលស្អាត និងមានសមត្ថភាពល្អ ដើម្បីសាកសមជាម្ចាស់ជ័យលាភី។

ដោយឡែក កាលពីពេលថ្មីៗនេះប្រិយមិត្តពិតជាជ្រាបច្បាស់ហើយថា Miss Universe របស់កម្ពុជាកញ្ញារឿន ណាត បានដើរម៉ូតនៅក្នុងឈុតរាត្រីស្រមោលស និង​ឈុតហែលទឹក ដែលពោរពេញដោយភាពជឿជាក់ និងស្នាមញញឹមទៅកាន់អ្នកគាំទ្រគ្រប់គ្នា។

មិនត្រឹមតែប៉ុណ្ណោះ ក៏មានមហាជនជាច្រើនបានសរសើរ ពីដំណើរដើរម៉ូតយ៉ាងស្វាហាប់របស់នាងជាច្រើនផងដែរ ក៏ប៉ុន្តែមហាជនដែលបានទស្សនា ពិតជាមិនដឹងពីផលលំបាក ដែលបវរកញ្ញាកម្ពុជានាងបានខិតខំ ប្រឹងប្រែងដើម្បីកេរ្តិ៍ឈ្មោះប្រទេសជាតិនោះទេ។

ជាក់ស្តែងនៅក្នុងបណ្តាញសង្គមរបស់នាងបាន Update នូវStory ដែលបានបង្ហាញពីជើងមានរបួសស្នាម ដោយសារតែការប្រើប្រាស់ស្បែកជើងកែង រយៈពេលយូរនៅក្នុងការដើរនៅលើឆាកដ៏ធំមួយនេះ។ តែទោះបីជាមានរបួសជើងយ៉ាងណាក្តី ក៏បវរកញ្ញារបស់កម្ពុជាមានភាពអំណត់ ធ្វើបានយ៉ាងល្អខ្លាំង ដើម្បីបង្ហាញពីភាពជឿជាក់ និងរឹងមាំដែលនាងមានបង្ហាញឲ្យពិភពលោកបានដឹង។

ក្រោយពីបានឃើញដូច្នោះ អ្នកគាំទ្រជាច្រើនពិតជារំភើប និងមានមោទនភាពចំពោះរូបនាងយ៉ាងខ្លាំង ដែលទោះបីជាមានការលំបាកយ៉ាងណាក្តី នាងនៅតែខំ មិនដែលរអ៊ូបន្តិចសោះឡើង ជាពិសេសនាងពិតជាធ្វើបានល្អសឹងតែគ្រប់វគ្គ៕

សូមទស្សនារូបភាពខាងក្រោមនេះ ដើម្បីជ្រាបកាន់តែច្បាស់៖ 

• រឿន ណាត
• តារាខ្មែរ