សង្ហាមិនប្រែមែន! Jerry Yan ឬ តាវមីងសឺ បង្ហាញខ្លួនថត Photo Book ឆ្នាំ២០១៨នេះ ធ្វើឱ្យហ្វេនៗលង់ស្នេហ៍គ្រប់គ្នា!

តៃវ៉ាន់៖ ត្រលប់ទៅកាន់ឆ្នាំ ២០០១ វិញ រឿង «ស្នេហា ៤ ដួង ឬ Meteor Garden» ដែលមានកម្លោះសង្ហាទាំង ៤ ដួង (F4) គឺពិតជាមានភាពល្បីល្បាញយ៉ាងខ្លាំងនៅក្នុងដួងចិត្តអ្នកគាំទ្រស្ទើរតែគ្រប់វ័យ។

ក្នុងនោះដែរ តារាសម្តែងលោក Jerry Yan ដែលបានដើរជាតួឯកឈ្មោះ «តាវមីងសឺ» ត្រូវបានអ្នកគាំទ្រជានារីៗពេញចិត្តគ្រប់គ្នា ព្រោះតែសម្រស់ដ៏ស្រស់សង្ហារបស់លោកជាមួយនឹងសក់វែង ដែលពិតជាមានភាពពេញនិយមខ្លាំងមែនទែននាឆ្នាំនោះ។

យ៉ាងណាមិញ បើក្រឡេកមកមើលបច្ចុប្បន្ននេះវិញ សម្រស់របស់តារាសម្តែងលោក Jerry Yan ក៏នៅតែមានភាពទាក់ទាញដែរ ដោយកាលពីពេលថ្មីៗនេះលោកបានបង្ហាញវត្តមានសាជាថ្មីជាមួយនឹងការចេញថតបង្ហាញម៉ូត Photo Book ប្រចាំឆ្នាំ ២០១៨ នេះ ដោយមានការតុបតែងខ្លួនយ៉ាងសង្ហា។

ជាមួយនឹងស្នាមញញឹមតិចៗ និងស្ទីលថតបង្កប់ទៅដោយមន្តស្នេហ៍ ឃើញរូបភាពហើយធ្វើឱ្យអ្នកគាំទ្ររំភើបចិត្ត និងនៅតែស្រលាញ់តារារូបនេះជាប់ក្នុងបេះដូង មិនខុសពីកាលជំនាន់ពេលលេងរឿង «ស្នេហា ៤ ដួង» កាលពីជាង ១០ ឆ្នាំមុននោះទេ។

គួរឱ្យដឹងផងដែរថា ឈានចូលមកដល់ឆ្នាំនេះតារាសម្តែងតៃវ៉ាន់លោក Jerry Yan ឬ តាវមីងសឺ មានអាយុ ៤១ ជិតចូល ៤២ ឆ្នាំហើយ ប៉ុន្តែសម្រស់ដ៏ស្រស់សង្ហារបស់លោកនៅតែទាក់ចិត្តហ្វេនៗ ជាពិសេសនារីៗឱ្យលង់ស្នេហ៍លើលោកជានិច្ច៕

ទស្សនារូបភាពរបស់លោក Jerry Yan ខាងក្រោមនេះទាំងអស់គ្នា៖  

• រូបភាព