ថៃ៖ បើគិតមកទល់នឹងបច្ចុប្បន្ននេះ ការចាកចេញទៅគ្មានថ្ងៃវិលត្រលប់របស់តារាសម្ដែងប្រុស លោក Por គឺអស់រយៈពេល៣ឆ្នាំហើយ ប៉ុន្តែវានៅតែជាមុខរបួស យ៉ាងឈឺចាប់សម្រាប់ក្រុមគ្រួសារ និងជាពិសេសភរិយារបស់លោកផងដែរ។
តែយ៉ាងណាក្ដី អ្នកនាង Bo Vanda នៅតែតស៊ូជាមួយជីវិត ក្នុងនាមជាស្រ្តីមេម៉ាយ ដ៏រឹងមាំ និងក្លាហានមួយរូបសម្រាប់កូនស្រីរបស់នាងផងដែរ។ ក្នុងនោះដែរ នាពេលថ្មីៗនេះ អ្នកនាង និងកូនស្រី ក៏ត្រូវបានកម្មវិធីទូរទស្សន៍មួយ បានអញ្ជើញឲ្យចូលរួមសាជាថ្មី បន្ទាប់ពីបានបាត់មុខជាច្រើនឆ្នាំ ក្រោយពេល Por បានទទួលមរណភាពទៅនោះ។
ដោយឡែក អ្វីដែលគួរឲ្យចាប់អារម្មណ៍សម្រាប់ការចូលរួមក្នុងកម្មវិធីទូរទស្សន៍ជាលើកដំបូងជាមួយកូនស្រីនេះដែរ គឺគេឃើញថា អ្នកនាងបានស្រក់ទឹកភ្នែក ចាប់តាំងតែពីការចាប់ផ្ដើមកម្មវិធី រហូតដល់បញ្ចប់កម្មវិធី ក៏ដោយសារតែរូបនាងបានឃើញ នូវការរៀបចំតុបតែងរម្លឹកដល់ការស្លាប់បាត់បង់ជីវិតគម្រប់ ៣ឆ្នាំ របស់ Por ដែលធ្វើឲ្យអ្នកនាង ទប់ទឹកភ្នែកមិនជាប់ គ្រប់ពេលដែលឃើញរូបភាពស្វាមីខ្លួនម្ដងៗ។
ទង្វើទាំងអស់នេះស្ដែងឲ្យឃើញថា បើទោះបីជា តារាសម្ដែងប្រុស លោក Por បានស្លាប់ទៅអស់រយៈពេលយូរឆ្នាំយ៉ាងណាក្ដី តែការបាត់បង់មនុស្សជាទីស្រលាញ់មួយនេះ គឺនៅតែស្ថិតក្នុងភាពឈឺចាប់ និងសោកស្ដាយ ដែលគ្មានថ្ងៃនឹងងាយអាចបំភ្លេចបាននោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]