រន្ធត់ចិត្ត! មនុស្សម្នាក់ត្រូវស្លាប់ ក្នុងហេតុការណ៍ក្រឡាប់រថយន្ត អ៊ឹម ជីវ៉ា នៅខេត្តកោះកុងយប់មិញ! (មានវីដេអូ)

កោះកុង៖ កាលពីពេលយប់មិញនេះ លោកអ៊ឹម ជីវ៉ា បានធ្វើដំណើរទៅកាន់ ខេត្តកោះកុង ដើម្បីទៅចូលរួមបុណ្យសមុទ្រ បានជួបរឿងដ៏រន្ធត់យ៉ាងខ្លាំង ជាមួយនឹងក្រុមការងារ ខណៈពេលដែលធ្វើដំណើរទៅដល់ស្រុកស្រែអំបិល។

ដល់ចំណុចកើតហេតុនៅលើទឹកដីស្រុកស្រែអំបិល រថយន្តរបស់លោកត្រូវបានក្រឡាប់ខ្ទេចអស់ និងធ្វើឲ្យអ្នកនៅក្នុងរថយន្តត្រូវរបួស រី​ឯលោកមិនមានបញ្ហាអ្វីនោះទេ ប៉ុន្តែនៅក្នុងហេតុការណ៍ដ៏រន្ធត់មួយនេះ ក៏មានបុរសម្នាក់ត្រូវបានស្លាប់បាត់បង់ជីវិត នៅនឹងកន្លែងកើតហេតុ។

តាមរយៈការរៀបរាប់របស់លោក ក៏បានបន្ថែមយ៉ាងដូច្នោះថា៖«បងប្អូនអើយពេលនេះខ្ញុំមានបញ្ហាធំហើយ ឡានខ្ញុំជួបញ្ហាគ្រោះថ្នាក់ចររាចរណ៍ ក្រឡាប់ឡាននៅស្រុកស្រែអំបិល ពេលធ្វើដំណើរ ទៅចូលរួមបុណ្យសមុទ្រនៅខេត្តកោះកុង បណ្តាលឲ្យមានមនុស្សស្លាប់ម្នាក់ តែខ្ញុំបាទ និងក្រុមការងារបួននាក់ទៀតមិនអីទេ លើកទី១ហើយខ្ញុំជួបរឿងរន្ធត់បែបនេះ ព្រះអើយជួយខ្ញុំផង ខ្ញុំមានឡានតែមួយគ្រឿង និងទេទុកសម្រាប់ទៅណាមកណាពេលនេះ ជាពិសេសកម្មវិធីសិល្បៈពេលនេះចប់ហើយ»។

បន្ទាប់ពីឃើញបែបនេះ អ្នកគាំទ្រពិតជារន្ធត់នៅក្នុងចិត្ត ដែលលោកបានជួបរឿងបែបនេះ តែទោះជាយ៉ាងណាពិតជាសោកស្តាយបំផុតដល់បុរសម្នាក់ ដែលបានបាត់បង់ជីវិតចោលគ្រួសារ ត្រឹមមួយរយៈពេលដ៏ខ្លី ក្នុងហេតុការណ៍មួយនេះ៕

សូមទស្សនារូបភាពខាងក្រោមនេះ៖ 

• អ៊ឹម ជីវ៉ា
• វីដេអូ
• តារាខ្មែរ