បាត់មុខយូរ សិល្បៈករជើងចាស់ ប្រាក់ សារួន កំពុងជួបជំងឺធ្ងន់ ចូលមន្ទីរពេទ្យជាច្រើនដង!

ភ្នំពេញ៖ តារាសម្តែងនិយមសម្តែងជាតួឪពុក លោកប្រាក់ សារួន បានឈរឈ្មោះនៅលើវិស័យសិល្បៈអស់ពេលជាច្រើនឆ្នាំ ក៏ប៉ុន្តែបច្ចុប្បន្ននេះ ឃើញថាលោកហាក់ដូចជាស្ងប់ស្ងាត់ ទៅលើការងារទាំងនេះ ព្រោះរាល់កម្មវិធី ឬក៏តាមរយៈការសម្តែងរឿងភាគ គឺមិនឃើញដូចមុននោះទេ។

យោងតាមរយៈបណ្តាញសង្គមផ្លូវការរបស់តារាជើងចាស់រូបនេះ បានធ្វើឲ្យអ្នកគាំទ្រជាច្រើនពិតជាមានការភ្ញាក់ផ្អើលយ៉ាងខ្លាំង ព្រោះថាត្រឹមមួយរយៈពេលដ៏ខ្លី លោកក៏ស្រាប់តែមានជំងឺដ៏ធ្ងន់ធ្ងរមួយ ដែលត្រូវធ្វើឲ្យតារាប្រុសរូបនេះ ទៅមន្ទីរពេទ្យពិនិត្យព្យាបាលជាញឹកញាប់។

ជំងឺរបស់លោកត្រូវបានគេដឹងថាជាជំងឺដ៏សាហាវមួយ ដែលធ្វើឲ្យភ្នែករបស់លោកមានសភាពចេញជាពណ៌លឿន ដោយជាជំងឺថ្លើមប្រភេទធ្ងន់ធ្ងរ និងត្រូវការព្យាបាលជាបន្ទាប់ ដើម្បីឲ្យលោកទទួលបាននូវសុវត្ថិភាព មិនត្រឹមតែប៉ុណ្ណោះ ជំងឺមួយនេះក៏ត្រូវការចំណាយថវិកាយ៉ាងច្រើន និងធ្វើឲ្យមុខមាត់លោកប្រែជាស្លេកស្លាំងខ្លាំង។

ក្រោយពីទទួលបានដំណឹងមួយនេះ បានធ្វើឲ្យអ្នកគាំទ្រជាច្រើនពិតជាសុទ្ធនៅក្នុងអារម្មណ៍ ព្រោះមិននឹកស្មានថាត្រឹមមួយរយៈពេលដ៏ខ្លីលោកក៏ត្រូវជួបរឿងពិបាកបែបនេះ។ គួរបញ្ជាក់ផងដែរថា តារាប្រុសរូបនេះតែងតែ ព្យាយាមចេញទៅមើលជំងឺរបស់ខ្លួននៅមន្ទីរពេទ្យជាច្រើន ដោយក្នុងនោះលោកក៏បានចេញទៅដ់លមន្ទីរពេទ្យថៃផងដែរ៕

សូមទស្សនរូបភាពខាងក្រោមនេះ៖

• តារាខ្មែរ