ដឹងអត់ ខួបកំណើតឆ្នាំនេះ Mario ទទួលបានកាដូអ្វីពីសង្សារបណ្តូលចិត្ត?

ថៃ៖ តារាសម្តែងប្រុសកូនកាត់រូបសង្ហា លោក Mario Maurer ដែលមុខមាត់និងស្នាមញញឹម ដ៏សែនមានមន្តស្នេហ៍របស់លោក បានទាក់ទាញចិត្តអ្នកគាំទ្រឲ្យនារីៗធ្លាក់ក្នុងអន្លង់ស្នេហ៍ មិនតិចនោះទេ ប៉ុន្តែក៏មានរឿងដែលគួរឲ្យសោកស្តាយមួយផងដែរ គឺបច្ចុប្បន្ននេះ លោកមានម្ចាស់បេះដូងរូចទៅហើយ ដែលនាងគឺជាតារាចម្រៀងស្រីមានប្រជាប្រិយភាពគួរសមមួយរូប។

ដោយឡែក នៅក្នុងការផ្តល់កិច្ចសម្ភាសន៍មួយ កាលពីថ្មីៗនេះ លោក Mario ក៏បាននិយាយរឿងមួយចំនួន អំពីមិត្តស្រីសំណព្វចិត្តរបស់លោកផងដែរ ពាក់ព័ន្ធទៅនឹង ការជូនពររបស់នាង នៅក្នុងថ្ងៃខួបកំណើតរបស់លោក។

មិនតែប៉ុណ្ណោះ លោកបានលើកឡើងថា មិត្តស្រីរបស់លោកក៏បាន ជូនកាដូខួបកំណើតឲ្យលោកផងដែរ គឺជាស្ករ សូកូឡា ពីព្រោះតែនាងដឹងថា លោកចូលចិត្តញុំាវាខ្លាំងបំផុត។

គួរបញ្ជាក់ផងដែរថា បច្ចុប្បន្ននេះ Mario កំពុងតែមានសម្ទុះនៃការគាំទ្រខ្លាំង ពីសំណាក់អ្នកគាំទ្រក្រៅប្រទេស។ លើសពីទៅទៀត ថ្មីៗនេះលោកក៏កំពុងតែថតខ្សែភាពយន្តហុងកុងថ្មីមួយថែមទៀតផង។ មិនតែប៉ុណ្ណោះ នៅឆ្នាំក្រោយនេះលោកក៏ត្រៀមថតរឿងភាគថ្មីមួយទៀតផងដែរ៕ 

• ស្នេហា
• តារាថៃ