អីយ៉ា! ទីបំផុត Praya ប្រកាសពេលវេលារៀបការ នឹងគូស្នេហ៍បរទេសរបស់នាងហើយ

ថៃ៖ នៅទីបំផុតការទន្ទឹងរង់ចាំរបស់បណ្ដាអ្នកគាំទ្រ តារាសម្ដែងស្រី កញ្ញា Poo Praya នឹងកម្លោះបរទេសជាគូស្នេហ៍នាង ដែលបានមើលចិត្តថ្លើមគ្នាជិត៣ឆ្នាំមកនេះ បានឈានដល់ពេលវេលាត្រៀមដឹកដៃគ្នា ចូលរោងជ័យហើយ។

តាមរយៈការផ្ដល់កិច្ចសម្ភាសន៍ ក្នុងថ្ងៃសម្ផោធខ្សែភាពយន្តមួយ ជាមួយ តារាស្រី កញ្ញា Poo Praya និងគូស្នេហ៍របស់នាង កាលពីម្សិលមិញនេះ បានឲ្យដឹងថា ពួកគេបានត្រៀមនឹងរៀបចំកម្មវិធីអាពាហ៍ពិពាហ៍ នាក្នុងឆ្នាំក្រោយនេះ បន្ទាប់ពីលោក Matthew បានសម្រេចចិត្តនឹងមកបើកក្រុមហ៊ុន នៅក្នុងប្រទេសថៃ ដោយក្នុងនោះ ក៏ព្រោះតែលោកចង់មករស់នៅ និងសាងជីវិតគ្រួសារ ដ៏មានសុភមង្គល នៅក្នុងប្រទេសកំណើតរបស់មិត្តស្រីរបស់ខ្លួនផងដែរ ។

ជាមួយនឹងដំណឹងដ៏គួរឲ្យរំភើបនេះដែរ ធ្វើឲ្យប្រិយមិត្តអ្នកគាំទ្រជាច្រើន ក៏បានចូលរួមសម្ដែងការអបអរសាទរ និងជាពិសេសត្រៀមរង់ចាំ មើលថ្ងៃដ៏ពិសេសរបស់តារាស្រីរូបនេះ ជាក់លាក់ដែលរូបនាង នឹងប្រកាសម្ដងទៀត ក្រោយពេលនាង និងគូស្នេហ៍រកបានថ្ងៃរៀបការច្បាស់លាស់៕  

• តារាថៃ