ក្រុមហ៊ុន ATSOLUTIONS Real Estate ក្លាយជាដៃគូភ្នាក់ងារ មជ្ឈមណ្ឌលពាណិជ្ជកម្មខ្នាតអន្តរជាតិតម្លៃ ១ ពាន់លានដុល្លារនៅកម្ពុជា!

ភ្នំពេញ៖ មជ្ឈមណ្ឌលពាណិជ្ជកម្មតម្លៃ១ពាន់លានដុល្លារ ដែលនឹងក្លាយជាមជ្ឈមណ្ឌលកម្សាន្ដសម្រាប់ថ្មើរជើងលើកដំបូងនៅកម្ពុជា ត្រូវបានវិនិយោគិនមកពីប្រទេសចិនបោះទុនវិនិយោគនៅខណ្ឌឫស្សីកែវ រាជធានីភ្នំពេញ។ គម្រោងនេះត្រូវបានសហការវិនិយោគដោយកំពង់ផែស្វយ័តក្រុងភ្នំពេញ និងក្រុមហ៊ុន យុនណាន សេងម៉ៅ អ៊ីនវេសមិន ដើម្បីបង្កើតគម្រោងមួយដែលមានឈ្មោះថា «TCC TRIUMPH Commercial Center» ។

តាមរបាយការណ៍របស់ក្រុមហ៊ុនបានឲ្យដឹងថា រហូតមកទល់ពេលនេះមានក្រុមហ៊ុនជាង១ម៉ឺន និងទំនិញជាង១០ម៉ឺនមុខប្រមូលផ្តុំនៅទីនេះ ហើយមជ្ឈមណ្ឌលនេះ ក៏នឹងក្លាយជាមជ្ឈមណ្ឌលពាណិជ្ជកម្មដ៏ធំជាងគេនៅក្នុងប្រទេសកម្ពុជា និងជាទីក្រុងទេសចរណ៍វប្បធម៌ដែលផ្សារភ្ជាប់ទៅនឹងពិភពលោក។

លោក ឡែមឌឿន ដាឡឹម អគ្គនាយកក្រុមហ៊ុន ATSOLUTIONS និងជាអ្នកជំនាញអចលនទ្រព្យអន្តរជាតិ បានអបអរសាទរចំពោះគម្រោងនេះ ព្រោះវាផ្ដល់អត្ថប្រយោជន៍ជាច្រើនដល់ពាណិជ្ជករ ពាណិជ្ជកម្មក្នុងស្រុក ក៏ដូចជាពលរដ្ឋទូទៅតាមរយៈការផ្ដល់ការងារ និងមុខរបរជាច្រើន។

ជាពិសេស មជ្ឈមណ្ឌលពាណិជ្ជកម្មនេះនឹងរួមចំណែកជួយរក្សាកំណើនសេដ្ឋកិច្ចរយៈពេលវែងប្រកបដោយចីរភាព និងជួយកាត់បន្ថយភាពក្រីក្របានយ៉ាងប្រសើរស្របតាមយុទ្ធសាស្ត្ររាជរដ្ឋាភិបាលកម្ពុជា។ លោកបានបន្ថែម។

លោកអនុប្រធានសមាគមអ្នកជំនាញអចលនទ្រព្យកម្ពុជារូបនេះ ក៏បានសម្តែងការសប្បាយរីករាយយ៉ាងខ្លាំង ដែលបានក្លាយជាដៃគូរភ្នាក់ងារចំពោះគម្រោងមជ្ឈមណ្ឌលពាណិជ្ជកម្មដ៏ធំនេះ។

យោងតាមឯកសារក្រុមហ៊ុនបានឲ្យដឹងថា TCC TRIUMPH Commercial Center នឹងក្លាយជាមជ្ឈមណ្ឌលថ្មើរជើងពាណិជ្ជកម្ម អន្តរជាតិ ដែលមានរហូតដល់១០រចនាបថ ហើយមជ្ឈមណ្ឌលនេះនឹងធ្វើឲ្យទំនិញនៅលើពិភពលោកផ្សារភ្ជាប់នឹងប្រទេសកម្ពុជាទាំងមូលឆ្លងតាមរយៈទីក្រុងភ្នំពេញ អាចឲ្យទំនិញនៅលើពិភពលោកដឹកជញ្ជូនទូទាំងប្រទេសកម្ពុជា ។ 

តាមឯកសាររបស់ក្រុមហ៊ុន អ្វីជាគុណសម្បត្តិពិសេសនៃគម្រោងនេះមានចំនួន ៥ ដូចជា៖ 

ទី១- កន្លែងនេះមានប្រជាជនទៅមកច្រើន 
ទី២- ទីនេះមានដើមទុនរឹងមាំ 
ទី៣- ទីនេះមានស្ថិរភាពអាជីវកម្មល្អបំផុត 
ទី៤- ទីនេះមានសេវាកម្មល្អបំផុត
ទី៥- ទីនេះមានសន្តិសុខល្អបំផុត។

ព័ត៌មានបន្ថែមពីមជ្ឈមណ្ឌលពាណិជ្ជកម្មនេះ លោកអ្នកអាចទំនាក់ទំនងទូរស័ព្ទលេខ៖ 087 600 888 / 078 600 777 ៕