អារ៉ាប់៖ ថ្មីៗនេះ អារ៉ាប់ទើបតែបើកសម្ពោធយន្តហោះឯកជនស៊េរីថ្មីរបស់ខ្លួនឈ្មោះថា Boeing 777X នៅកណ្តាលទីក្រុងឌូបៃតែម្តង។
Boeing 777X គឺជាយន្តហោះស៊េរីចុងក្រោយគេបង្អស់ដែលទើបតែបង្កើត។ ផ្ទៃខាងក្រៅមានទ្រុងទ្រោយធំសម្បើម ត្រចះត្រចង់ កាន់តែល្អប្រណីតសម្រាប់សេដ្ឋីនិងអ្នកមានក្នុងការទិញយកទៅប្រើប្រាស់។ ខណៈផ្ទៃខាងក្នុងវិញមានរំលិចទៅដោយគ្រឿងសង្ហារឹមថ្លៃៗ អមដោយបច្ចេកវិទ្យាកាន់តែទំនើបជាងយន្តហោះមុនៗ។ នេះយោងតាមសារព័ត៌មាន Business Insider ដែលបានចេញផ្សាយក្នុងថ្ងៃទី ១៣ ខែធ្នូ ឆ្នាំ២០១៨។
គិតចាប់ពីឆ្នាំ១៩៩៦មក យន្តហោះឯកជនពិតជាពេញនិយមណាស់សម្រាប់អ្នកមាននិងសេដ្ឋីជុំវិញពិភពលោក។
យោងតាមសារព័ត៌មានដដែលបានបញ្ជាក់ថា យន្តហោះស៊េរីថ្មី 777X មួយនេះមានសមត្ថភាពហោះឆ្លងទ្វីបពី ប្រទេសមួយទៅប្រទេសផ្សេងទៀតបានយ៉ាងងាយ។ វាអាចហោះពីទីក្រុងស៊ីដនី ទៅទីក្រុងឡុងដ៍ រួចបន្តទៅទីក្រុងឌូបៃទៀតដោយមិនចាំបាច់ចុះចត។
ខណៈវិស្វករមេកានិចជំនាញៗបានច្នៃប្រឌិតយន្តហោះនេះ ដោយការដាក់បំពាក់ម៉ាស៊ីនមេធន់ធ្ងន់ប្រភេទ GE9X ដែលអាចជួយសន្សំសំចៃប្រេងសាំងដល់ទៅ៥ភាគរយឯណោះ។
ក្រឡេកមកមើលទ្រង់ទ្រាយរបស់វាវិញ Boeing777X មានកម្ពស់២,៥ម៉ែត្រ ខណៈស្លាបទាំងគូរបស់វាមានប្រវែងដល់ទៅ៧២ម៉ែត្រ។វាមានប្រវែងសរុប ៧៦,៣ម៉ែត្រ និង ទម្ងន់ ៣៤៤,០០០គីឡូ(៣៤៤តោន)។
ចំណែកឯផ្ទៃខាងក្នុងវិញ មានបំពាក់សុទ្ធតែគ្រឿងសង្ហារឹមទំនើបៗនិងបន្ទប់ជាច្រើនប្រៀបដូចជាកូនវិមានមួយអីចឹង។បន្ទប់ទាំងអស់នេះមានដូចជា បន្ទប់ទទួលភ្ញៀវ បារ បន្ទប់គេង ផ្ទះបាយ បន្ទប់ទឹក និង កន្លែងស្រស់ស្រូបអាហារជាដើម។
គួរបញ្ជាក់ថា ក្នុងឆ្នាំនេះ អារ៉ាប់បានបញ្ចេញយន្តហោះខ្នាតយក្សពីរក្នុងពេលតែមួយតែម្តង។ Boeing777-8 ដែលជាប្អូនភ្លោះជាមួយនឹង Boeing777X ក៏មិនអន់ប៉ុន្មានដែរ។ វាគ្រាន់តែមានទ្រង់ទ្រាយតូចជាងគ្នាបន្តិចបន្តួចតែប៉ុណ្ណោះ។
បើនិយាយពីតម្លៃវិញ Boeing777-8 មានតម្លៃសរុប ៣៩៤.៩លានដុល្លារ។ ខណៈ Boeing777X មានតម្លៃដល់ទៅ ៤២៥,៨លានដុល្លារ៕
មានវីដេអូនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]