ថៃ៖ ប្រិយមិត្តជាច្រើនប្រាកដជាបានជ្រាបហើយថា ប្អូនប្រុសដ៏ល្បីដែលចេះ១៥ភាសា សាលីក បានសាងកេរ្តិ៍ឈ្មោះល្បីរន្ទឺ ពេញពិភពលោកត្រឹមមួយរយៈពេលដ៏ខ្លី ក្រោយមហាជនជាច្រើនបានដឹង ពីសមត្ថភាពដ៏កម្ររកបានរបស់កុមារកម្ពុជា អាចនិយាយបានច្រើនភាសាដោយមិនបានរៀនសូត្រ។
ក្រោយពីដំណឹងនេះ បានល្បីសុះសាយ បានធ្វើឲ្យបណ្តាប្រទេសក៏ដូចជាសារព័ត៌មានធំៗជាច្រើន បាននាំគ្នាធ្វើដំណើរមកកាន់ប្រទេសកម្ពុជា ដើម្បីធ្វើការសម្ភាសន៍សាកសួរដល់ប្អូនទៀតផង មិនត្រឹមតែប៉ុណ្ណោះប្អូនប្រុសក៏បានធ្វើឲ្យមហាជន ស្គាល់ប្អូនប្រុសកាន់តែច្រើនជាងមុន។
ជាក់ស្តែងកាលពីម្សិលមិញនេះ ស្រាប់តែមានការភ្ញាក់ផ្អើលជាថ្មីម្តងទៀត នៅពេលដែលប្អូនប្រុសបានធ្វើដំណើរទៅដើរលេងកម្សាន្តនៅប្រទេសថៃ ដោយក្នុងនោះប៉ុស្តិ៍ទូរទស្សន៍ដ៏ល្បីនៅប្រទេសជប៉ុន បានធ្វើដំណើរមកកាន់ប្រទេសថៃផ្ទាល់ ដើម្បីស្កាត់សុំក្មេងប្រុសដ៏មានប្រជាប្រិយភាពរូបនេះសម្ភាសន៍។
ទន្ទឹមនឹងនេះដែរ ខាងប៉ុស្តិ៍ទូរទស្សន៍ ក៏បាននាំគ្នាសួរនាំប្អូនប្រុសជាភាសាជប៉ុន ហើយប្អូនក៏បានឆ្លើយទៅវិញជាភាសានោះ ដោយមិនស្ទាក់ស្ទើរ មិនត្រឹមតែប៉ុណ្ណោះពួកគេក៏បានឲ្យ សាលីក និយាយភាសា ដែលខ្លួនបានចេះជាច្រើនផងដែរ។
ក្រោយពីឃើញបែបនេះបណ្តាអ្នកលេងបណ្តាញសង្គមជាច្រើន ពិតជាមានការភ្ញាក់ផ្អើល និងរំភើបយ៉ាងខ្លាំង ដែលកុមារកម្ពុជាមានឈ្មោះល្បីយ៉ាងដូច្នោះ សូម្បីតែបណ្តាប៉ុស្តិ៍ទូរស្សន៍ ក៏មកសម្ភាសន៍ប្អូនផ្ទាល់៕
ប្រភពវីដេអូ៖ Sola Khang
សូមទស្សនាវីដេអូខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]