ថៃ៖ ក្រៅពីមានភាពជោគជ័យ លើការងារ និងជីវិតផ្ទាល់ខ្លួន មនុស្សម្នាក់ៗ ក៏ត្រូវការមិត្តពិតម្នាក់ ឬច្រើនជាងនេះ ដើម្បីពិភាក្សា និងផ្តល់កម្លាំងចិត្តឲ្យគ្នា ពេលជួបរឿងទុក្ខលំបាក។
ក្នុងនោះដែរ តារាភាគច្រើន ក៏គេនាំគ្នាបង្កើតជាក្រុមមិត្តភក្តិ ដែលជូនកាលក្រុមរបស់ពូកគេ មានច្រើនគ្នា ឬក៏តិច អាស្រ័យទៅលើ ចរិត និងការទាក់ទងគ្នាចុះសម្រុងនឹងគ្នា ។ ជាពិសេស ពួកគេ តែងតែ យកពេលទំនេរមួយចំណែក ពីការងារ ដើរលេងកម្សាន្តញ៉ាំអាហារជុំគ្នា បង្កើនភាពសប្បាយរីករាយជាមួយគ្នា។
តោះទៅតាមដាន តារាៗណាខ្លះ ជាក្រុមមិត្តភក្តិនឹងគ្នា តាមដានទាំងអស់គ្នា៖
១) ក្រុម ទេពអប្សរ៖ ដូចជាប្រិយមិត្ត បានឃើញស្រាប់ហើយ កាលពីថ្ងៃរៀបការរបស់នាងJanie ក្រុមមិត្តភក្តិ បាននៅក្បែរនាងជានិច្ច រហូតហ៊ានចំណាយពេល ចំណាយលុយ ហោះទៅចូលរួមកម្មវិធីរៀបការ តង់ទី២ នៅលើកោះទៀត។ ជាពិសេស ពួកគេ តែងតែ ផ្តល់កម្លាំងចិត្ត ផ្តល់យោបល់ នៅពេលជួបរឿងស្មុគស្មាញ ជាមួយជីវិតផ្ទាល់ខ្លួន និងក្នុងសិល្បៈ។ ប៉ុន្តែក្នុងនោះ កាលពីមួយរយៈមុន ពួកគេ ក៏មានការប៉ះទង្គិចសម្តីគ្នាបន្តិចផងដែរ តែពេលនេះ ពួកគេ បានយល់គ្នា និងស្រលាញ់គ្នាលើសដើម។
២) ក្រុមGang Ferby ៖ នៅក្នុងក្រុមនេះ សុទ្ធសឹងតែ ជាតារាក្នុងប៉ុស្តិ៍លេខ៣ ទាំងអស់ ដូចជាMatt Peranee នាង Taew Natapohn នាងTeoy Jarinporn នាង Mint Chalida និង Mew Nittha។ ក្នុងនោះ ពួកគេតែងតែ បង្ហាញភាពកក់ក្តៅ និងតែងតែកាន់ជើងគ្នាផងដែរ ដូចជា មួយរយៈមុន មានរឿងធំ ពាក់ព័ន្ធនឹង Matt Peranee ដោយពួកគេ បានព្យាយាមនិយាយល្អ និង ជួយនាងខ្លាំងបំផុត។
៣) ក្រុម Chompoo៖ ចំពោះក្រុមរបស់តារាស្រីរូបនេះវិញ គឺមានតែ៣នាក់ទេ ព្រោះនាងគិតថាមានតែពួកគេប៉ុន្មាននាក់នេះ ដែលយល់ចិត្តគ្នាច្រើនជាងអ្នកណាគេបង្អស់។ ដោយក្នុងនោះ មាននាង Aimee Morakotនិងនាង Ice Apitsada។
៤) ក្រុម Bella៖ ក្រុមរបស់នាង ហាក់ដូចជា មានគ្នាច្រើនជាងគេ ដែលភាគច្រើន សុទ្ធសឹងតែ ជាតារាដូចគ្នាទាំងអស់។ ក្នុងនោះដែរ ពួកគេ តែងតែដើរលេងកម្សាន្តជាមួយគ្នា តាមទីជិត ទីឆ្ងាយ ដើម្បីបង្កើនចំណងមិត្តភាពជាមួយគ្នា។
៥) ក្រុមIce Amena៖ ចំពោះក្រុមរបស់នាង ភាគច្រើនសុទ្ធតែ តារាវ័យក្មេង និងមានសម្រស់ស្រស់ស្អាតដូចគ្នាទាំងអស់។ ជារឿយៗ ពួកគេ តែងតែមានដំណើរកម្សាន្ត ជុំគ្នា ដោយពួកគេ តែងតែចូលចិត្ត ទៅលេងមាត់សមុទ្រជុំគ្នា។
៦) ក្រុមAum៖ ក្រុមរបស់តារាស្រីរូបនេះ អាចនិយាយបានថា ក្រុមអ្នកមានទ្រព្យសម្បត្តិ ដែលពួកគេ តែងតែ ចំណាយពេលដើរលេងក្រៅប្រទេស ញឹកញាប់ខ្លាំងណាស់ ជាមួយគ្នា និងដើរទិញរបស់របរច្រើនសន្ធឹកសន្ធាប់។ ក្នុងនោះ នាង Aum បានរាប់អានជាមួយគ្នា អស់រយៈយូរឆ្នាំណាស់មកហើយ ដោយសារតែ ភាពចុះសម្រុងគ្នា និងនិយាយត្រូវគ្នា ទើបធ្វើឲ្យពួកគេ អាចរក្សាទំនាក់ទំនង បានមកទល់ពេលនេះ។
៧) ក្រុម Yaya៖ ចំពោះចំណងមិត្តភាពរបស់ពួកគេ បានសាងមកជាយូរឆ្នាំណាស់មកហើយ ដែលក្នុងនោះមាននាង Margie នាង Kimberley និងនាង Yaya ដោយកាលពីដំបូងឡើយ មាននាង Mint Chalida តែដោយសារតែ មានរឿងបន្តិចបន្តូច ក៏ពួកគេ បានបែកបាក់ចំណងមិត្តភាព ដោយពេលនេះ មានតែ៣នាក់តែប៉ុណ្ណោះ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]