ទើបរៀបការហើយថ្មីៗផង Push និង Jooy លេងសុទ្ធតែផ្អែមល្ហែមដាក់គ្នាម្លឹងៗ នរណាមិនអៀនជំនួស (មានវីដេអូ)

ថៃ៖ ក្រោយពេលរៀបការរួចថ្មីៗនេះត្រូវប្រាប់ហើយថា គូស្វាមីភរិយាតារា Push និង Jooy គឺជាគូដែលមានភាពផ្អែមល្ហែមជាមួយគ្នាខ្លាំងមែនទែន ដោយពេលទៅណាមកណា អ្នកទាំងពីរបានបណ្តើរគ្នា យ៉ាងត្រសងពោរពេញទៅដោយសេចក្តីសុខក្នុងជីវិតគូរបស់ខ្លួន។

ហើយជាក់ស្តែងកាលពីប៉ុន្មានថ្ងៃមុននេះ Jooy ក៏បានបង្ហាញភាពផ្អែមល្ហែមរបស់ខ្លួនទៅកាន់ Push ជាស្វាមីយ៉ាងរំភើបចិត្ត ដោយនាងបានបេះយកបាយដែលនៅជាប់មាត់ Push យកមកញ៉ាំដោយស្និទ្ធស្នាល និងស្រលាញ់អស់ពីបេះដូង។ 

ហើយភ្លាមៗនោះមិនបង្អង់យូរ Jooy ក៏បានទទូលកាដូពិសេសពី Push វិញ ដោយការថើបបបូរមាត់យ៉ាងរ៉ូមែនទិក បញ្ជាក់ពីសេចក្តីស្នេហា ដែលពួកគេបានមានឱ្យលើគ្នាទៅវិញទៅមក។

ឃើញបែបនេះហើយធ្វើឱ្យក្រុមមិត្តភក្តិ ដែលនៅក្បែរនោះនាំគ្នាស្រែក និងរំភើបចិត្តជំនួស ដោយសារតែឃើញគូស្វាមីភរិយាថ្មីមួយគូនេះស្រលាញ់គ្នា ហើយផ្អែមល្ហែមដាក់គ្នាម្លឹងៗ។ 

ដូច្នេះមិនយូរទៀតទេ ពួកគេនឹងមានទាយាទស្នងត្រកូលជាក់ជាមិនខាន សមតាមបំណងរបស់ខ្លួន ដែលបានប៉ងប្រាថ្នាមកជាយូរហើយ។  ចំណែកឯហ្វេនៗវិញ ក៏នាំគ្នាជូនពរសូមឱ្យ Push និង Jooy ឆាប់មានកូនឆាប់ៗ និងស្រលាញ់គ្នាដល់ចាស់ផងដែរ រីឯអ្នកគាំទ្រខ្លះវិញក៏ចំអន់លេងថា ស្វីតជាមួយគ្នាខ្លាំងបែបនេះ មិនអាណិតអ្នកនៅលីវទេឬ?

ទស្សនារូបភាព និងវីដេអូស្វីតៗរបស់ Push និង Jooy ដូចខាងក្រោមនេះ៖ 

• ស្នេហា
• វីដេអូ
• តារាថៃ