ទីបំផុត ផ្ទះដែលធ្លុះពិបាករស់នៅរបស់ នាយចេក ត្រូវបានគេ ត្រៀុមនឹងជួយហើយ!

ភ្នំពេញ៖ ប្រិយមិត្តជាច្រើនប្រាកដជាបានជ្រាបរួចមកហើយថា តារាកំប្លែងដ៏មានប្រជាប្រិយភាព នាយចេក កំពុងតែជួបនូវជីវភាពលំបាក ហើយពេលនេះផ្ទះដែលរស់នៅនាពេលបច្ចុប្បន្នវិញ ក៏ពិបាកនឹងរស់នៅ ព្រោះដំបូងត្រូវធ្លុះធ្លាយ ភ្លៀងម្តងៗត្រូវពិបាកគេងមិនបាន។

បន្ទាប់ពីទុក្ខលំបាកដែលលោកបានបង្ហាញនៅលើបណ្តាញសង្គម បានធ្វើឲ្យមហាជនជាច្រើនពិតជាមានអារម្មណ៍ក្តុកក្តួល និងអាណិតដល់លោកតាជាខ្លាំង ដែលជីវិតត្រូវលំបាកគ្រប់ពេល ទាំងដែលអាយុរបស់លោកក៏កាន់តែច្រើនផងនោះ។

ទន្ទឹមនឹងនេះដែរ សមាគមន៍សិល្បៈរបស់លោកហេង ឡុង ពិតជាមិនមើលនឹងភ្នែកនោះទេ លោកក៏បានចុះទៅមើលដល់ផ្ទះរបស់លោកតាផ្ទាល់ មិនត្រឹមតែប៉ុណ្ណោះលោកក៏ធ្វើការរៀបចំរៃអង្គាសថវិកា ពីមហាជននៅក្នុងការជួយជួសជុលផ្ទះជូនតារាកំប្លែងដ៏កម្សត់រូបនេះ។

ក្រោយពីបានឃើញទង្វើរបស់ពួកគេ បានធ្វើឲ្យមហាជនជាច្រើន សរសើរដល់លោក ដែលបានគិតគូដល់អ្នកសិល្បៈកំពុងជួយទុក្ខលំបាកបែបនេះ ហើយក៏សង្ឃឹមថាមានអ្នកចិត្តធម៌ជួយដល់លោកតាផងដែរ៕

សូមទស្សនារូបភាពខាងក្រោមនេះ៖ 

• នាយ ចេក
• តារាខ្មែរ