ក្តុកក្តួលណាស់! ពេលដឹងស្ថានភាព លោកតាសង់ស៊ីស ធ្លាក់ខ្លួនឈឺខ្លាំង ដើរបេះស្លឹកបាស់ មកស្ងោរពិសាររាល់ថ្ងៃ

ភ្នំពេញ៖ ប្រិយមិត្តជាច្រើនប្រាកដជាបានជ្រាប នូវស្ថានភាពដ៏លំបាករបស់តារាកំប្លែងជើងចាស់ ដ៏មានប្រជាប្រិយភាព លោកតាសង់ស៊ីស ហើយថា អតីតតារារូបនេះមានជំងឺប្រចាំកាយ រូបរាងកាន់តែចាស់ រីឯជីវភាពក៏កាន់តែលំបាក ធ្វើឲ្យលោករស់ផ្ទះដើម្បីដោះស្រាយបញ្ហា។

ស្ថានភាពជីវិតរបស់លោក ហាក់ដូចជាស្ងាត់មួយរយៈពេលធំ តែកាលពីម្សិលមិញនេះក៏មានការភ្ញាក់ផ្អើលពីបណ្តាអ្នកគាំទ្រសារជាថ្មី ក្រោយកូនស្រីជាទីស្រលាញ់របស់លោក កញ្ញាសុន ស្រីពេជ្រ បានបង្ហោះសារដ៏ក្តុកក្តួលមួយ នៅលើបណ្តាញសង្គមរបស់ខ្លួន។

ដោយក្នុងនោះនាងបានរៀបរាប់យ៉ាងដូច្នោះ«ពុកខ្ញុំស្គមណាស់ ប្អូនផ្ញើរូបម្សិលមិញឲ្យមើលប្រាប់ថាគាត់រាល់ថ្ងៃដើរបេះតែស្លឹកបាស់ និងផ្ទីស្ងោរពិសារសឹងរាល់ថ្ងៃ ពេលខ្លះគ្មានទាំងសាច់ពិសារផង ទឹកភ្នែកកូនហូរឥតឈប់ពេលឃើញរូបហ្នឹង»។

ក្រោយពីបានអានសារមួយនេះរួច អ្នកគាំទ្រពិតជាមានអារម្មណ៍ថាក្តុកក្តួលនៅក្នុងចិត្ត ដែលមិននឹកស្មានថាលោកតា កំពុងតែជួបស្ថានភាពបែបនេះ ខណៈពេលដែលវ័យកាន់តែច្រើនហើយ បែរជាត្រូវជួបរឿងពិបាក ខ្លួនប្រាណស្គមព្រោះតែមិនសូវបានហូបឆ្ងាញ់បែបនេះ៕

សូមទស្សនារូបភាពខាងក្រោមនេះ៖ 

• សង់ ស៊ីស
• តារាខ្មែរ