កូរ៉េខាងត្បូង ៖ កាលពីពេលថ្មីៗកន្លងទៅនេះ លោក Onew ដែលជា មេក្រុម SHINee បានបង្ហោះវីដេអូមួយ ខណៈដែលលោកកំពុងតែកាត់សក់ ដើម្បីជាការបង្ហាញថា លោកបានត្រៀមខ្លួនរួចជាស្រេចហើយ សម្រាប់ការចូលបម្រើកងទ័ពរបស់លោក។
ជាក់ស្ដែង អ្នកគាំទ្រសង្កេតឃើញថា Onew ហាក់ដូចជាមានភាពស្រស់ស្រាយ និងស្វាហាប់យ៉ាងខ្លាំង ជាមួយនឹងភារកិច្ចលើកនេះ។
ក្នុងនោះដែរ លោកក៏បានបង្ហាញក្ដីស្រលាញ់ និងការព្រួយបារម្ភទៅកាន់អ្នកគាំទ្រ ជាមួយនឹងសំបុត្រមួយច្បាប់ផងដែរ។ វាជាសំបុត្រ ដែលត្រូវបានសរសេរឡើង ដោយផ្ទាល់ដៃលោក ហើយក៏ជាកាដូមុនពេលដែលលោក ចាកចេញឆ្ងាញពីវិស័យសិល្បៈ រយៈពេល ១ឆ្នាំកន្លះនេះ។
នៅក្នុងសំបុត្រនោះ លោកបានសរសេរថា ៖
«អ្នកសុខសប្បាយទេ? ខ្ញុំត្រូវបានគេផ្តល់ពេលវេលា ឲ្យសំរាកហើយឥឡូវនេះ។
ខ្ញុំតែងតែមានអារម្មណ៍សោកស្តាយ ប៉ុន្តែសូមមើលថែរក្សាខ្លួនផង ពេលនេះគឺជាពេលវេលាមួយសម្រាប់ខ្ញុំ ដើម្បីរៀបចំកែលម្អខ្លួនឯងឲ្យបានប្រសើរជាងមុន មុនពេលដែលខ្ញុំត្រលប់ទៅវិញ។ អ្វីដែលសំខាន់បំផុត គឺសុខភាព ដូច្នេះសូមថែរក្សាសុខភាព កុំឲ្យឈឺ។
ខ្ញុំនឹងបន្តច្រៀង អ្នកទាំងអស់គ្នាកុំបារម្ភអី។
ដូច្នេះហើយ ប្រសិនបើអ្នកនឹកដល់ខ្ញុំ សូមស្ដាប់បទចម្រៀងរបស់ខ្ញុំទៅ។
ខ្ញុំនឹងត្រលប់មក សួរសុខទុក្ខអ្នកទាំងអស់គ្នាម្តងទៀត បន្ទាប់ពីខ្ញុំបញ្ចប់ភារកិច្ច។
សូមអរគុណខ្លាំងណាស់។
ចាំជួបគ្នា ម្តងទៀតណា!»។
ទស្សនារូបភាពខាងក្រោម ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]