ថៃ៖ ថ្មីៗនេះលេចឮដំណឹងថា តារាសម្តែងប្រុសវ័យក្មេង Nick Kunatip និងតារាសម្តែងស្រីជើងចាស់ Tangmo Pattaratida កំពុងតែមានទំនាក់ទំនងស្នេហាជាមួយនឹងគ្នា ក្រោយពេលដែលហ្វេនជាអ្នកគាំទ្របានចាប់អារម្មណ៍ថា អ្នកទាំងពីរបានធ្វើដំណើរកម្សាន្តទៅកាន់ប្រទេសកូរ៉េរួមគ្នា ជាលើកដំបូងកាលពីពេលកន្លងទៅ។
ប៉ុន្តែជួបសម្ភាសផ្ទាល់ជាមួយនឹងតារាវ័យក្មេង Nick Kunatip លោកក៏បានឆ្លើយបញ្ជាក់យ៉ាងច្បាស់លាស់នៅចំពោះមុខអ្នកកាសែតក្នុងស្រុកថា៖
«ខ្ញុំ និងបង Tangmo គ្មានទំនាក់ទំនងស្នេហា ជាមួយគ្នាដូចអ្នកគាំទ្របានសង្ស័យនោះទេ ការពិតទៅខ្ញុំរាប់អានគាត់ស្និទ្ធស្នាលជាយូរមកហើយ មិនមែនទើបតែពេលនេះទេ ព្រោះផ្ទះពួកយើងនៅជិតគ្នា ហើយគាត់ (Tangmo)ជាមនុស្សស្រីម្នាក់ដែលមានចរិតរួសរាយ ចូលចិត្តលេងសើច និងច្រឡឺមស្រដៀងៗខ្ញុំ ពួកយើងគឺរាប់អានគ្នា ក្នុងឋានៈប្រៀបដូចជាបងប្អូន។ ហើយសម្រាប់ការធ្វើដំណើរកម្សាន្តនៅប្រទេសកូរ៉េវិញ គឺយើងទៅលក្ខណៈជាក្រុមមិនបានទៅតែពីរនាក់នោះទេ។ អ្វីដែលសំខាន់នោះគឺខ្ញុំមិនបានតាមញ៉ែគាត់ ហើយគាត់ក៏មិនបានញ៉ែខ្ញុំដែរ ពួកយើងមានអាយុខុសគ្នាឆ្ងាយណាស់ ប៉ុន្តែសម្រាប់ថ្ងៃអនាគតខ្ញុំមិនហ៊ានថាដែរ ព្រោះចំពោះរឿងស្នេហាខ្ញុំមិនប្រកាន់ទៅលើអាយុទេ សំខាន់គឺការយល់ចិត្តគ្នា។ ជាចុងក្រោយសូមបញ្ជាក់ម្តងទៀតថា បច្ចុប្បន្នខ្ញុំនៅលីវនៅឡើយទេ សូមកុំយល់ច្រឡំបាទ!»។
ក្រោយបានស្តាប់ចម្លើយចេញពី Nick Kunatip បែបនេះហើយធ្វើឱ្យអ្នកគាំទ្រកាន់តែចាប់អារម្មណ៍ខ្លាំងឡើងទៅលើទំនាក់ទំនងរបស់តារាប្រុសស្រីមួយគូនេះ ព្រោះពួកគេជាអ្នកនៅផ្ទះជិតគ្នា ហើយខាងប្រុសមិនប្រកាន់ពីរឿងអាយុទៀត ដូច្នេះបើអ្នកទាំងពីរក្លាយទៅជាគួស្នេហ៍នឹងគ្នាពិតមែននោះ ច្បាស់ជាកក្រើកវិស័យសិល្បៈ ព្រោះសព្វថ្ងៃពួកគេមានអាយុខុសគ្នាដល់ទៅ ១០ ឆ្នាំឯណោះ ដោយ Nick Kunatip ទើបតែមានអាយុ ២៤ ឆ្នាំ ខណៈដែល Tangmo Pattaratida មានអាយុ ៣៤ ឆ្នាំទៅហើយ។
ទោះជារឿងនេះត្រូវបាន Nick Kunatip បដិសេធតែហ្វេនក៏មានមួយចំនួនធំក៏នៅតែចង់ឱ្យពួកគេទាក់ទងគ្នាដែរ ព្រោះថ្វីត្បិតតែមានអាយុខុសគ្នា ១០ ឆ្នាំ តែ Tangmo Pattaratida នៅតែមានសម្រស់ស្រស់ស្អាត និងក្មេងជាងវ័យ ហើយក៏ធ្លាប់ត្រូវបានគេថា ពេលឈរជិតគ្នាទៅអ្នកទាំងពីរ ប្រៀបដូចជាមិត្តភក្តិនឹងគ្នាដូច្នោះដែរ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]