មិនមើលនឹងភ្នែកទេ! ខេមរៈ សិរីមន្ត ផ្តល់ថវិកា២លានរៀល ជួយដល់ កំប៉ោយ ចៅតា កំពុងឈឺធ្ងន់ទាំងវ័យក្មេង!

ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា តារាវ័យក្មេងដែលគេតែងតែហៅថា កំប៉ោយ ចៅតា បានធ្លាក់ខ្លួនឈឺធ្ងន់ចូលមន្ទីរពេទ្យ ទាំងវ័យក្មេង ត្រូវជួបនឹងជំងឺដ៏សាហាវ និងត្រូវប្រើប្រាស់លុយជាច្រើន ដើម្បីលាងឈាមជារៀងរាល់ថ្ងៃ ស្របពេលដែលលោកកំពុងតែជួបការខ្វះខាតយ៉ាងខ្លាំង។

តារាវ័យក្មេងរូបនេះក៏ធ្លាប់សម្តែងរួមគ្នាតាំងតែពីក្មេង ជាមួយនឹង តារាចម្រៀងដ៏ល្បីឈ្មោះលោកខេមរៈ សិរីមន្ត ជាច្រើនផងដែរ រីឯអនុស្សាវរីយ៍មានជាមួយគ្នាក៏ច្រើនណាស់ដែរ។ ក្រោយពីបានដឹងពីសុខទុក្ខ របស់តារាដែលធ្លាប់សម្តែងរួមគ្នា តារាចម្រៀងរូបនេះពិតជាមិនមើលនឹងភ្នែកនោះទេ គឺលោកបានផ្តល់ជាថវិកាផ្ទាល់ខ្លួន២លានរៀល ជួយទៅដល់ កំប៉ោយ ដែលកំពុងសម្រាកព្យាបាល ទាំងដែលនិយាយមិនចេញ។

ទន្ទឹមនឹងនេះដែរ លោកក៏បានផ្តាំផ្ញើតាមបងប្រុសរបស់លោកថា «សូមផ្តាំទៅសិល្បៈករទាំងអស់សូមជួយប្អូនប៉ោយផងព្រោះគ្នានៅក្មេង អនាគតវែងឆ្ងាយ ជួយគ្នាដោយក្តីអាណិតអាសូរផង»។

បន្ទាប់ពីបានឃើញសារមួយនេះ ក៏ដូចជាទង្វើរបស់លោក បានធ្វើឲ្យមហាជនជាច្រើន ពិតជាពេញចិត្តដល់រូបលោកយ៉ាងខ្លាំង ទោះបីជាលោកមមាញឹក មិនបានមកមើលដោយផ្ទាល់យ៉ាងណាក្តី៕

សូមទស្សនារូបភាពខាងក្រោមនេះ៖ 

• ខេមរៈ​ សិរីមន្ត
• កំប៉ោយ ចៅតា
• តារាខ្មែរ