(កោះកុង)៖ រថយន្តក្រុងរបស់ក្រុមហ៊ុនទ្រូម៉ានី ដឹកអ្នកដំណេីរប្រមាណ ៤៤នាក់ បេីកចុះចំណោទដាច់ហ្វ្រាំងក្រឡាប់ធ្លាក់ផ្លូវរបួសធ្ងន់ស្រាល ៥នាក់។ ហេតុការណ៍នេះបានកេីតឡេីងនៅរសៀលថ្ងៃទី០៩ ខែធ្នូ ឆ្នាំ២០១៨ នៅចំណុចចន្លោះគីឡូម៉ែត្រលេខ១៣០-១៣១ ស្ថិតនៅភូមិអន្លង់វ៉ាក់ ឃុំតាតៃក្រោម ស្រុកកោះកុង ។
សមត្ថកិច្ចបានបញ្ជាក់ថា រថយន្តក្រុងទេសចរណ៍ ដែលជួបគ្រោះថ្នាក់នេះពាក់ផ្លាកលេខ ភ្នំពេញ 3C-6354 មានទិសដៅពីភ្នំពេញ-កោះកុង អ្នកបើកបរមិនស្គាល់អត្តសញ្ញាណ (រត់គេចខ្លួនបាត់)។ ក្នុងរថយន្តនោះដឹកអ្នកដំណេីរ ៤៤នាក់ តែមានអ្នករងរបួស ៥នាក់ របួសធ្ងន់ ០២នាក់ ស្រី ១នាក់។
ក្រោយពេលកើតហេតុ កម្លាំងប៉ុស្តិ៍នគរបាលរដ្ឋបាលតាតៃក្រោម សហការជាមួយកម្លាំងអន្តរាគមន៍ខេត្ត ចុះជួយសង្គ្រោះអ្នករងបួស ដឹកយកទៅព្យាបាលនៅមន្ទីរពេទ្យបង្អែកខេត្តកោះកុង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
