អបអរសាទរ! ថ្ងៃនេះ Gun Kantathaworn រៀបការហើយ!

ថៃ៖ នាព្រឹកមិញនេះ តារាសម្តែង និងពិធីករល្បីឈ្មោះ លោក Gun Kantathaworn បានដឹកដៃគូស្នេហ៍ជាទីស្រលាញ់របស់ខ្លួន ចូលពិធីរៀបមង្គលការតាមប្រពៃណីហើយ ដោយមានការចូលរួមអបអរសាទរពីចាស់ទុំទាំងសងខាង ព្រមទាំងមិត្តភក្តិជិតស្និទ្ធជាច្រើននាក់ទៀត។

ជាក់ស្តែង ពិធីរៀបការរបស់អ្នកទាំងពីរបានប្រារព្ធធ្វើឡើង នៅសណ្ឋាគារប្រណីត ក្រោមបរិយាកាសសប្បាយរីករាយ និងកក់ក្តៅយ៉ាងខ្លាំងជាទីបំផុត ពីការអបអរពីសំណាក់អ្នកចូលរួមប្រុសស្រី។

ហើយនៅព្រឹកថ្ងៃនេះ ក៏មានពិធីបំពាក់ចិញ្ចៀនតាមបែបប្រពៃណីថៃ និងនៅពេលល្ងាចវេលាម៉ោង ៤ នឹងមានពិធីថ្លែងសន្និសីទកាសែត ចំពោះមុខមហាជនពីប្រវត្តិស្នេហាអ្នកទាំងពីរ និងជាចុងបញ្ចប់នៅពេលយប់ គឺជាពិធីជប់លៀងយ៉ាងអធិកអធមដោយតារាប្រុសរូបនេះ ក៏ធ្លាប់បានបង្ហើបប្រាប់ហ្វេនៗជាអ្នកគាំទ្រខ្លួនថា នឹងមានកាអញ្ជើញភ្ញៀវកិត្តិយសរាប់រយនាក់ មកចូលរួមក្នុងមង្គលការរបស់ខ្លួនទៀតផង៕  

ទស្សនាបរិយាកាសនៃពិធីមង្គលការរបស់តារាសម្តែង Gun Kantathaworn និងអនាគតភរិយាដូចខាងក្រោមនេះទាំងអស់គ្នា៖  

• រូបភាព
• តារាថៃ